Page 8 - RIU HOTEL
P. 8
Riu Palace Aruba y Riu Palace Antillas ta masha orguyoso di e proyecto di renobacion di
e toren dilanti nan hotelnan situa na Palm Beach. E inversion ta encera renobacion di e
toren pero specialmente construccion di un pier rond di e toren.
E pier ta importante pa asina usuarionan por subi riba dje pa sambuya. Den pasado e pier
a kibra, cu pasada di horcan. Di eynan el a keda bay atras y constantemente turista y local
ta corta nan curpa na e pier. Juan Blanco, gerente general di Riu Palace Antillas a entrega
e proyecto, den forma simbolico na Minister Dangui Oduber di Turismo y Salubridad
Publico. E mandatario a ricibi un cuadra cu potret di e toren, awor ta renob’e
completamente.
Pa e hotel, e renobacion ta confirma nan compromiso di duracion largo cu nos isla. E
toren ta masha gusta pa tanto nos turistanan pero specialmente nos mesun hendenan. E
toren ta warda hopi historia, specialmente di habitantenan di Noord, cu regularmente ta
bishita e area aki pa landa y entretene nan mes. Pabien na comunidad di Aruba cu nos
toren y pier completamente renoba.
http://24ora.com/riu-palace-antillas-orguyoso-di-renobacion-di-pier/
