Page 8 - AWEMAINTA 5 FEB

8 AWEMainta Diaranson, 5 Februari 2020

Motociclista herida despues di a accidenta cu su bromer riba Ser’i Teishi

DIAMARS den oranan di mainta, Polis a haya informacion di un ac-
cidente entre bromer cu auto riba Ser’i Teishi, Mesora patruyanan a

cuminsa bay e direccion.
Poco pabou di e rotonde di Ser’i Teishi nan topa cu e motociclista benta
riba caminda. Tabata trata di un Hayabusa.

Mesora a pidi pa ambulance, debi cu e motociclista tabata kehando di

dolor na diferente parti di su curpa. E tabata na bij y tambe cu helm
bisti.
Riba caminda por a mira un marca, cu ta indica cu e lo por a perde

control saliendo di e rotonde.
E bromer a keda benta banda zuid.

Na yegada di ambulance mesora nan a cuminsa atende cune, y poco
poco a lante pone riba stretcher pa despues sali direccion Hospital.

Algun familiar di e motociclista a yega n’e sitio pa mira kico tur tabata
pasando.
Polis di Trafico a presenta y despues di haci algun investigacion, e ca-

minda cu wordo cera pa desvia trafico a ser habri bek.

ZWEEFARM A KIBRA

Den oranan di mainta tabatin dos accidente di bromer, practicamente
na casi mesun momento, pero na sitionan diferente.

Un di e accidentenan aki a tuma lugar riba e caminda di Ser’i Teishi,
loke a trece un congestion den e trafico.
E accidente a sosode net un poco despues di e rotonde, bahando di San

Nicolas pa Playa.

Segun e motociclista a splica e Polisnan, cu e ZweefArm di e Suzuki
Sport Bike (MFA 1105) a kibra den careda pa cual el a perde control y
a cay cu e bromer.

Un auto a blokea e trafico pa evita cu ta pasa riba e cabayero cu tabata
maneha e vehiculo. E persona tabata na tino y tabata papia.
Ambulance a yega basta liher y a atende cu e herido eybou.

E bromer aki, segun por a compronde, a rek su “zweefarm”, pero ta
parce cu e trabou no a keda bon haci si el a kibra den careda.