Page 35 - AVP

Plataforma Hobennan Profesional Ta Informa: E

Siguiente Sesion Di Tienda Di Ley Ta Continua 9

November 2019

 Local
- 30/10/2019

Siman pasa e huristanan den opleiding a logra atende varios persona cu a acudi na Tienda
di Ley pa haya asistencia huridico. Loke a resalta t’e grupo di persona cu a pidi pa
asistencia cu bezwaar p’e cobransa di Grondbelasting y hopi caso di DIMAS.

E hobennan di PHP ta brindando asistencia riba diferente tereno. E casonan mas popular
ta labor, belasting y vergunning.

Dependiendo di e contenido di e caso y experiencia di nos hobennan hurista den
opleiding ta brinda e asistencia rekeri. Hopi demanda tin pa bezwaarschriften impone
contra cobransanan di impuesto.

Tin ciudadano ta acudi na Tienda di Ley tambe ora cu nan confronta problemanan
laboral. Dependiendo di e circumstancianan concreto ta brinda e asistencia n’e
ciudadano. Cu orguyo nos por bisa cu nos huristanan den opleiding a logra brinda
asistencia efectivo den e casonan aki.