Page 4 - AHATA

12 INTERNACIONAL AWEMainta Dialuna, 15 Januari 2024

Sint Maarten:

Cuater partido di oposicion ta laga Prome Minister Jacobs un banda

en un maniobra politico inespera, cuater partido na Sint Maarten,
De Movemento Unifica Resiliente di Sint Maarten (URSM), Partido
Democrata (DP), Partido pa Progreso (PFP) y Nation Opportunity Wealth
(NOW), a ranca e poder for di e Prome Minister Silveria Jacobs y su parti-

do, National Alliance (NA).

E partidonan a firma un acuerdo di coalicion pa forma un gobierno nobo
p’e periodo 2024-2028.

E acontecimento sensacional aki ta tuma luga despues di e eleccion parla-
mentario diahuebs ultimo, caminda cu cada partido di e coalicion nobo
a ricibi dos asiento. Hunto nan tin un mayoria di ocho den parlamento di

15 asiento, cu cual nan a blokia e formacion di un tres gabinete lidera pa
Jacobs.

Jacobs tabatin mester di un asiento mas pa continua cu su coalicion, pero

no por a hay’e cu un di e partidonan cu awo a yega na un acuerdo entre
nan.

FASE NOBO

E prome Minister nobo lo ta dr. Luc Mercelina di URSM, su partido nobo,
a ricibi mas di dos mil voto, loke ta convertie den e mayor di e coalicion.

E medida ta considera un cambio significativo den e panorama politico

di Sint Maarten. “E coalicion aki ta marca e comienso di un era nobo
di gobernacion colaborativo,” e lidernan a bisa den un comunicado di

prensa conhunto. Nan a destaca a importancia
di e unidad y e progreso pa mehoramento di Sint
Maarten y su ciudadanonan.

Aunke AN ta sigui ta un partido mas grandi
despues di a perde dos asiento, su incapac-
idad pa forma un coalicion tabata un sla duro pa
Jacobs. E gobierno nobo a indica cu lo enfoca riba

tema importante manera e desaroyo economico,
e bienestar social y e sostenibilidad ambiental.

RETO

E historia di e abandono di barco na Sint Maarten
y e mayoria di e coalicion nobo estrecho ta
sugeri cu e stabilidad politico por ta fragil. Pero
e lidernan di partido a expresa nan determina-

cion di traha hunto. Ainda no tin ningun acuerdo
di coalicion.