Page 59 - KPA

Reaccion di coleganan

Coleganan, manera ta e caso ora cu e alarma bay, ta sali hunto cu e siguridad, wak kico ta

pasando y e prome opcion ta pa calma e situacion pa evita cu e situacion tin cu escala.

Pesey por lo general ultimo dies añanan cu Jacobs ta den SVB, esaki ta di cuater biaha cu

agresion fisico ta tuma luga. Pero e parti di intimidacion ta algo cu ta pasa si cu
regularidad, pero cu te awor aki, pa evita escalacion di e conflicto, e dokternan no ta

reacciona riba e diferente formanan di intimidacion cu ta wordo uza door di clientenan.

Tin cu pone un paro na esaki y entrante fecha di awe, dia 27 di September, SVB ta

cuminsa implementa un maneho di 0 tolerancia. Despues di 3 advertencia, bo persona no

ta wordo controla mas door di SVB cu tur consecuencia cu por tin pa bo seguro di malesa

y di accidente, pa tur consecuencia cu tin cu trabao na pais Aruba.

Den caso cu bo no ta di acuerdo cu un decision di un dokter, semper bo por entrega keho,

semper bo por reclama. Bo tin opcion tambe pa acudi na corte si bo no ta di acuerdo cu

un ponencia di e dokter. Tin caminda cu bo por cana como cliente, si acaso bo ta pensa cu

e huicio di e dokter riba bo situacion, no ta corecto. Pero no por permiti cu diferencia di

opinion ta termina den agresion. Ni den intimidacion tampoco.

Tension

Pa casualidad, na momento cu e persona aki a drenta e oficina, Jacobs tabata na telefon

cu e dokter. A sigui e parti con e persona a bira drenta cu agresividad y a expresa su mes

den tono hopi agresivo, den direccion di e dokter. Ora cu a mira e situacion eynan y cu e