Page 57 - MIN JUS 13 APRIL 2016

Den e proceso e otro partido a saca arma di candela y menaza y tur hende a sali na careda y bandona e
sitio. Pa ora polis a yega a bin topa cu e turistanan y e dama herida, pero e otro partido a bandona e sitio
caba. Polisnan a presenta na e night club pa tuma datos di e security cu tabata pafo. Despues a keda den e
area pa wak si por topa cu e sospechosonan. Ambulance a presenta y a hiba e dama hospital pa un control
medico.

Spera cu el a paga: Fiscal a para auto malo y ta haya un klem

Tuesday, 12 April 2016 19:23
Comparti

Nan mes ta pone multa cu pueblo mester paga. Asina mes nan tanbe ta comete infraccion. Diamars
mainta un fiscal na Ministerio Publico a para su autu malo. Esnan di AruParking a mira e auto para y a
pega un sticker.
Djey a bay over na un klem tambe. Probablemente e fiscal aki lo bay reta AruParking of ta spera cu el a
cumpli mescos cu cualkier ciudadano dor di paga 75 Florin. E area unda e auto di fiscal tabata para no
tabata den uso. E area te cu siman pasa tabata sera pa construccion. Awor cu ZARA a habri e caminda
tambe a habri bek. E no ta marca como zona di parkeo. E no tin parkeervak. Si no tin borchi di
prohibicion e por bira un discussion sin e parkeervak. Lo busca pa sa kiko a pasa precies y si shon fiscal a
paga pa kita e klem.