Page 7 - KPA 14 OCT,2015

Muher atraca dialuna anochi na altura di Bestuurskantoor

Publication: Wednesday, 14 October 2015. Categoria: Policial

ORANJESTAD (AAN): Dialuna anochi a tuma lugar un otro caso di asalto na altura di Sea port
Casino.

Tabata den careda di 10’or y pico di anochi cu central di polis a dirigi patruya di Oranjestad na
Sea Port Casino pa atraco reporta.

Na yegada , e personal di seguridad di Seaport a mustra polis e señora victima di atraco.

E señora di inicial M., a declara di a sali for di Seaport Casino y a cana bay direccion di Cristal
casino na Renaissance Mall.

El a sigui menciona cu ora e tabata canando riba e lugar di staciona auto di Seaport, panort di
Seaport Market Place, el a scucha stapnan su tras manera un hende ta core bin riba dje.

1. a declara tambe na polis di a spanta y el a reacciona door di tene su tas preto duro.

El a laga sa cu un homber desconoci pe a tene y ranca su schouder tas for di dje pa core bay
cune.

E homber tabata rabia y frustra debi cu e denunciante no kier laga e tas bay.

Segun M. e homber a bise na idioma Spaño, ”pu…..- desgrac —, hija de p……” y na dado
momento e homber a push’e na su braza robez pa asina kibra su forza. Pero e señora victima no
por a sigui tene su tas pa evita cu e atracador lo por bay cune y e no tabatin otro alternativa y a
los e tas.

E atracador a logra bay cu su tas y a core bay direccion Watertoren . E victima a duna polis algun
detaye di e atracador cu tabata bisti cu camisa blauw y carson cortico color blauw Na pia e
tabatin zapato color preto cu blanco y e paña ta mustra deportivo segun declaracion di M.

E tas ta color preto marca “Nine West” den cual tabata tin su potmoni cu 200 dollar den dje ,un
cellular Android mobil color preto, yab’i auto y ademas yabi di reserve di e auto .

Patruya a busca den vecindario di Fort Zoutman pero nan no a haya e sospechoso.

http://www.diario.aw/2015/10/muher-atraca-dialuna-anochi-na-altura-di-bestuurskantoor/