Page 20 - HCCA MAY 7

AZV: Cuido di ginecologia ta garantisa

W ednesday, 06 May 2015 19:35
Comparti

Diamars merdia directiva di AZV a papia cu un grupo di hende muhepreocupa tocante e situacion actual
cu ginecologo Narain. Ta asina cu AZV a prolonga dr Narain su contract te 1 di juni, ora su reemplasante
ta cuminsa, pero door cu dr Narain no mag di drenta hospital mas e no por haci operacion.
E causa pakico Hospital no kier prolonga dr Narain su toelatingsovereenkomst ta un asunto entre dr
Narain y Hospital. Diabierna lo tin un kort geding den corte cu dr Narain a entama contra hospital unda
huez lo dicta ken tin razon.
Tanten e pashentnan di drNarain ta preocupa y ta puntra nan mes kico lo pasa ora hende muhe cu ta na
estado mester wordo opera, AZV a compronde di hospital cu tin tres ginecologo na hospital cu ta
disponibel pa casonan urgente.
Despues di e decision di huez diabierna siguiente, AZV lo informa e pashentnan di dr Narain via e
medionan di comunicacion.

http://www.24ora.com/local-mainmenu-5/94865-dr-narain-cuido-di-ginecologia-ta-garantisa

Casi 10 persona a solicita pa e puesto di Director di Hospital

W ednesday, 06 May 2015 20:53
Comparti

E proceso pa yega na un director di Dr. Horacio Oduber Hospital ta andando ainda. E ta un proceso basta
largo, ta loke cu Minister di Salud Publico dr. Alex Schwengle a bisa den un declaracion duna.
El a sigui splica cu algun luna atras a cuminsa cu e seleccion di e Presidente di e directiva, cu ta director
di hospital. E dos otro posicionnan ta ocupa caba y falta solamente e Presidente. Ta busca un persona cu
tin experiencia den maneho di un compania grandi, cu tin conocemento di sector di hospital y
hospitalidad, algo di e ramo di cuido, pero hopi importante ta cu e mester ta un bon “team player”. Otro
aspecto ta cu e mester conoce e cultura di Aruba. E mandatario a wordo informa door di e comision
encarga cu e procedura di seleccion, cu tin varios candidato cu e solicita. Pa haci e seleccion mas obhetivo
posibel, Hospital a tene un destaho publico en busca di un compania cu ta esun cu ta haci e procedura di
seleccion di e director nobo di hospital. E cantidad di solicitantenan ta menos cu 10 y e no tin
conocemento si su colega Minister Arthur Dowers a solicita pa e posicion aki. E mandatario sinembargo