Page 49 - FUNDASHON LOTTO PA DEPORTE
P. 49
Mas cu claro pa hasi esaki un competitivo pa tur participante, e averahe hunto conta di e
duo participante no mag pasa 360. Cu otro palabra si un atleta su averahe ta 200 e mester
busca un pareha pa forma e double cu tin un averahe di 160. E competencia lo ta Open pa
tur hende cu kier participa. Por hunga den doubles cabayero, dama of mixto. E torneo ta
programa pa cuminsa 7or di anochi. E aña 2017, tabata un sublime pa e deporte di
bowling unda Thashaina Seraus ta sobresali un bes mas cu su scol na Merca ganando
varios premio individual y den ekipo. E mesun atleta Seraus ta logra un di dos lugar den e
final di PBWA na Greenbay, Winsconsin. Tambe nos a haya Elias Halabi cu ta logra
gana un torneo na Asia esta e Macau Open na Taiwan. E bolicheronan femenino
Thashaina Seraus y Kamilah Dammers-Naddall a drenta den e top 10 di e miho
bolicheranan di e continente America, cu Thashaina na number 8 y Kamilah na number 9.
Na nivel di seleccion hopi a wordo logra. Tanto e cabayero como e damanan a logra
clasifica pa e Weganan Centro Americano y Del Caribe Barranquilla. E trio Kamilah
Dammers,Thashaina Seraus y Jeadine Luidens a logra medaya di Plata den e CAC di
bowling na Gautemala. Un danki sigur na Lotto, e Loteria di Aruba pa medio di Stichting
Sportsubsidie Aruba cu a subsidia e eventonan deportivo enconexion cu e celebracion
riba Dia di Betico. Tur aña mayoria federacion tin riba nan calendario un evento
deportivo riba 25 di januari, celebrando asina e fecha natal di e gran estadistica Arubano.
Cumprando weganan di Lotto, e Loteria di Aruba bo ta contribui na deporte riba nos isla.
Meta di e fundacion ta pa organisa loteria, cambia bida di su hungadonan y na mes
momento inverti den deporte local pa medio di donacionnan na e Stichting Sportsubsidie
Aruba.
