Page 2 - CITGO

Acento di gobierno ta cu lo haci maximo

esfuerso pa haci uzo di nos mes forsa

laboral den e refineria

-Prome Minister Eman:ORANJESTAD (AAN): Awor aki discusion ta

bay cuminsa riba Man Camp pa loke ta Citgo. Minister Presidente, Mike Eman, a splica
con esaki lo wordo midi y controla pa ‘sina tur cos cana bon.Na e momentonan aki
Citgo ta bay den e rehabilitacion di e refineria. Ta poco curioso pa tende cu e mesun
hendenan cu a critica poco dia eynan cu e rehabilitacion di e refineria no ta bay sosode,
y awor cu Citgo ta bay haci e di dos stap importante despues di a cera e acuerdo cu e
companianan cu ta bay percura pa e rehabilitacion completo, ta bay tuma awor e
siguiente paso pa por haya e persona necesario pa por haci e rehabilitacion cu ta haya
for di e mesun skina cu ta bisa cu no ta bay sosode, ta critica cu posiblemente lo bay
hopi hende di afo pa haci e trabao aki.Segun prome minister, Minister di Energia, Mike
de Meza, Minister di Economia, Richard Arends, na diferente ocasion a splica cu durante
e negociacionnan a pone hopi atencion, cu mester haci maximo uzo di nos forsa laboral
local. Segun Eman, esey ta bay keda e accento di Gobierno.Naturalmente sa di pasado,
tempo cu Coastal a bin Aruba tambe, cu ora di rehabilitacionnan asina grandi, cu tin
asina hopi aña cera, e trabao di e cu e trabaonan di rehabilitacion ey ta bay compaña
cu algun cantidad di persona cu ta bin di afo. Ta tarea di Gobierno pa minimalisa esaki
y percura maximalmente, nos hendenan haya trabao. Esey ta e maneho di Gobierno
tambe. Pa locual ta trata e cantidad di hendenan cu lo bin di afo, esaki ta bay wordo
estrictamente regula door di e ministerio di labor.Prome minister a sigui comenta cu tin
proceso di un protocol ta canando pa por reglamenta henter e procedura con por
permiti pa personanan di afo bin traha, pa e por ta eficiente tambe, pa momento cue
empresa ta pidi pa e hendenan, pero na mes momento departamento di labor su
contribucion lo ta pa percura maximalmente hendenan local haya e prome oportunidad.