Page 4 - WEB
P. 4
Loke a pasa Aruba for di 2016 te 2018 ora e fantasia di Citgo a rementa den cara di
Aruba y a herida hasta e trahadonan y contratistanan, e victimanan mas grandi di e
aventura, ta sigui crea un situacion di halto riesgo pa Aruba.
Un di e advertencianan principal na gobierno Mike Eman tabata e instabilidad
Venezolano causa pa Nicolas Maduro.
Na 2019 e situacion na Venezuela a entrega na Aruba e veredicto di e aventura di e
proyecto Citgo cu a pone Aruba for di 2016 core tras di un soño imposibel.
Durante fin di siman, na entrada di e siman di fiesta di Pasco, Aruba a wordo confronta
cu e informacion cu e grupo di Nicolas Maduro a pidi Nacionnan Uni pa deshaci di e robo
di propiedad Venezolano door di Juan Guaidó.
Di e forma aki falta di responsabilidad gubernamental di gobierno Mike Eman, ta bolbe
drenta un fase nobo y ta bolbe hinca Aruba den un suspenso.
E hecho cu e facilidadnan di refineria na Aruba a wordo entrega door di gobierno Mike
Eman na Nicolas Maduro cu un contracto contra e interes di Aruba, ta haci cu na e
momentonan aki Aruba mester kibra e acuerdo cu Mike a cera cu Nicolas, si Aruba kier
uza sikiera e tankinan di azeta pa warda petroleo pa haya entrada garantisa pa Aruba y
trabou garantisa pa trahadonan.
Tin mas asunto cu e acuerdo completamente iresponsabel mester regla na fabor di
Aruba, cu ainda ta mara na entre otro e suma inmenso na garantia pa Citgo.
Na 2016 mundo a adverti Aruba cu lo tabata un mal negoshi pa yega na un acuerdo cu
Nicolas Maduro, cu tabata saca tur placa di Citgo y na mes momento tabata uza e
empresa pa e haci prestamo pa Venezuela.
Cu por a spera e problemanan serio cu a resulta awor na Venezuela, hasta e
refugiadonan Venezolano por a splica gobierno Mike Eman.
Cu incertidumbre y insiguridad no a caba pa Aruba mientras no logra deshaci
completamente for di e acuerdo, ta visibel den e hecho cu ayera e propiedadnan di
