Page 23 - MIN VOS

organisadonan di e torneo clasico esta Curaçao Little League a tuma e bunita
iniciativa pa cu e prome Clasico di Baseball Hubenil honra y dedica e torneo na
5 persona cu a contibui grandemente pa cu e desaroyo di e deporte di Baseball

Hubenil na Corsou. E personanan aki ta srs. Gonzalo Cuales, Oswaldo Dulzaidez,
Eithel Isebia, Carolus Antersijn y sra. Helen Ferdinandus.

Mester bisa cu siman pasa e seleccion di Big League tabata den duda si lo

realisa e biahe pa e torneo na Corsou debi na falta di fondo, pero Minister di
Deporte, Dr. Alex Schwengle hunto cu Lotto, e loteria di Aruba a percura pa

pone e fondonan cu tabata falta pa asina e seleccion di Big League por atende e
Clasico Internacional di Baseball Juvenil 2017 na Corsow. Representacion di un
seleccion cu a prepara nan mes debidamente pa un torneo ta hopi importante y

mas cu claro e ta un derecho pa nan por representa nos isla den exterior. Lotto
di su banda kier a desea e seleccion di Big League tur clase di exito na e torneo

Clasico Internacional di Baseball Juvenil 2017 na Corsou.

Cumprando weganan di Lotto, e Loteria di Aruba bo ta contribui na deporte riba
nos isla. Meta di e fundacion ta pa organisa loteria, cambia bida di su

hungadonan y na mes momento inverti den deporte local pa medio di
donacionnan na e Comision di Subsidio.