Page 41 - MIN VOS

AWEMainta Diabierna, 21 Juli 2017 13

Eric Alvin Conrad Ras (CURPA):

Honrando nos grandinan

A yega tempo pa duna nos grandinan e balor cu nan
merece pa tur e esfuersonan cu a haci cu awe nos ta
unda nos ta. Nan ta esnan cu a sacrifica y entrega pa
pais Aruba. Nos no por lubida cu nan a entrega mas
cu 11 aña na salario y beneficionan.
Awe ningun Gobierno no ta worry cu nan y a nan
nunca a ricibi nada despues nan a baha cu pensioen
despues di asina hopi aña di trabao. Despues cu na
aña 1995 cu a kita e 7 ¾ y 8.2 % tin di nan no a
haya nada mas.

Nan no a conoce un adelanto den salario e y tampoco
e otro beneficionan. Awe tin di nan no t’ey mas pero
esnan cu t’ey awe mester por wordo honra despues
di a sacrifica pa pais Aruba.
Esnan cu a drenta servicio di Gobierno y impresa
priva depsues di aña 1995 no conoce e sacrificionan
ey, pero si ta gosa di e sacrificio cu nos grandinan a
haci pa awe nos por gosa di e privilegionan ey.

A yega e momento pa para keto y ban uni pa duna
nos grandinan e honor cu nan merece.
Nos mester acumula informacion di tur esnan cu a
entrega y dunanan un miho calidad di bida paso nan
merece lo miho. Nan a duna nan parti y awor ta toca
nos pa reconoce nan pa locual cu nan a sacrifica pa
a nos por tin locual cu nos tin.

Cuminsa na e AZV cu nan ta paga ful e prima. Mes-
ter analisa y pa cuminsa kita mita di e prima cu nos
grandi ta paga na AZV.
E grupo di nos grandinan ta esnan cu a entrega y awe
nan no a ricibi nada a cambio pa locual nan a entrega.
Den esaki nos lo trece un cambio y nos di partido
CURPA lo duna nan reconocemento.

Partido CURPA den Gobierno lo corda tambe den
esnan den necesidad. Partido CURPA lo bin cu work-
shopnan y cursonan pa yuda esnan den necesidad pa
para riba nan mes un pia. Importante ta cu ora bo
cay bo mester lanta bek y mas duro cu antes. E husto
por cay 7 biaha pero 7 biaha Dios lo lante.

Nos mester por laga un fundeshi solido atras pa yuda
esnan den necesidad cu riba nan mes uni forsa y bay
pa dilanti den bida. Bo por duna un hende un pisca
pero si bo no siñ’e con pa pisca nunca lo e siña y ora
bo no t’ey mas lo e muri di hamber. E importancia ta
cu ora bo no t’ey mas e legado cu bo a laga tras e por
perfeccion’e y hasta bira miho di locual cu bo a siñ’e.
Asina aki nos lo traha un bas’e pa progreso pa nos
pueblo.

Pa trece un cambio nos mester di e sosten di pueblo
di Aruba pa trece e cambio cu nos ciudadano nan ta
spera pa hopi tempo. P’esey mes di 22 di september
2017 deposita bo confiansa den partido CURPA.