Page 6 - WEB_Neat

Ningun hende na WEB ta perde trabou
debi na solar park nobo

Posted on 06/12/2017 9:56 am AST | Updated on 06/12/2017 9:59 am AST

ORANJESTAD – E solar park cu WEB ta bay traha awor, no ta traduci
necesariamente den reduccion di tarifa di awa y coriente, pero tampoco cu e lo
aument’e. Asina director di WEB, Luis Oduber a sigura NoticiaCla. Mes momento e
trahadornan no mester kere cu e proyecto aki ta bay resulta den reduccion di
trabou. Pa loke ta e keho di falta di comunicacion, Oduber ta desmenti esey
indicando cu tur luna ta papia cu e lider sindical esta Erick Henriquez, presidente di
SIWA.

GARANTIA PA TRAHADONAN

E garantia cu e trahadonan kier cu nan no ta bay perde nan trabou, tey. Segun Oduber,
aunke cu tin solar y wind park, trabou ta keda pa e trahadornan, pasobra e dos
proyectonan no tur ora lo funciona, pa por reemplaza trahado. Entre otro, berdad tin hopi
solo na Aruba pero tin hopi nubia tambe. Ora cu instala un parke solar di 5.9 mhw. Lo tin
su peak on and off, pues no ta constante. E energia di otro banda si mester ta costant pues
mester conta cu e sistemanan convencional, cu den e caso aki ta loke tin cu ta boiler,
turbina y motor. “No por bisa pasobra tin solar panel y molina di biento, cu nos ta manda
empleadonan cas. Esey absolutamente no ta e caso” Oduber a sigura. E reduccion di
personal lo por bin, pero di otro forma, a basa di un fluho natural. Ora hende bay cu
pensioen, no necesariamente hende ta wordo reemplaza. Esey ta e cambio cu tin. “Mi no
por garantisa cu si awe nos tin 300 empleado, cu aki 10 aña nos tin 300 empleado ainda”
Oduber a bisa.

PAKICO SINDICATO TA PREOCUPA

E hecho cu sindicato por ta preocupa siendo cu nada malo, ta bay pasa, ta porta den
comunicacion. A menciona e situacion na e sindicato. Pero segun Oduber e no sa si e
sindicato tin informacion otro cu e no tin. “Pero te na unda cu ami por bisa, nos a informa
cu no tin motibo” Oduber a bisa. E hecho segun sindicato, cu Oduber no ta available pa e
trahadornan no ta berdad. E tin reunion tur luna cu e presidente y tambe tin reunionnan cu
e sindicato. Ta bayendo riba un pace hopi mas liher, unda cu porta tin informacion cu ta