Page 11 - ARUBA BANK

AWEMainta Diabierna, 14 Juli 2017 5

Gerrick Croes:

“Despues di hopi

aña por mira cu

desaroyo a yega den

Santa Cruz”

GERRICK Croes, di Santa Lucia, no por a keda
sin presencia e ceremonia di groundbreaking di e
mini cancha deportivo na veld di SV Arsenal. E ta un
proyecto hopi bunita y cu e bario lo beneficia sigur
di dj’e, Croes a bisa e atardi aki. E ex politico aki ta
apoyando partido AVP den e campaña pa eleccion
Parlamentario 2017.

“Esaki ta algo hopi great mes p’e muchanan di bario
y naturalmente p’e scolnan den bisindario tambe”,
Gerrick Croes a bisa despues di a participa n’e cer-
emonia na veld di SV Arsenal.
E motibo di su alegria ta cu Sta. Cruz ta un bario cu
a wordo lubida pero ultimo temponan por mira cu
poco-poco e ta hayando su debido atencion.

El a menciona cu recientemente a cuminsa cu con-
struccion di un edificio moderno di MFA p’e bario
di Santa Cruz, a embeyece rond di Misa Inmaculada
Concepcion, ta bay haya e mini-turf aki awo.
“Pero tambe areanan cu tabatin 40 aña sin haya luz,
a haya iluminacion LED y tambe verkeersplateau.
Esaki ta demostra cu tin desaroyo den Santa Cruz,
cu ta algo hopi positivo p’e habitantenan chikito y
esnan mas grandi”, Croes a sigui bisa.

E proyecto di mini canchanan deportivo (cu yerba
artificial) ta uno cu COA a tuma over di Gobierno
aña pasa. COA International via di su organisacion
local a haci un contribucion cu cual Gobierno ta
logra construi 6 cancha. Tur e clubnan cu a bini na
remarca a wordo informa cu nan mester percura p’e
fundeshi mientras cu despues ta sigui pa pone yerba,
heki, wayanan y kolomnan pa luz. E ultimo parti aki
di iluminacion ta trahando riba dj’e.
SV Arsenal ta e prome cu a yega n’e parti di basha
fundeshi cu ayudo di famia mes di e directiva di e
organisacion deportivo.