Page 3 - AHATA

4 LOCAL AWEMainta
Marcha chikito a confirma problema
grandi di violencia contra hende muhe
UN grupo di cinco fundacion local, a organisa diasabra ultimo den oranan di
atardi, un caminata pa sirbi como alerta pa henter comunidad, contra di violencia
di hende muhe, ya cu pa algun tempo caba e cantidad di casonan aki, a sigui
aumenta y ta alcansando cifranan hopi serio.
Sinembargo e manifestacion aki no a bira loke a spera di dje, esta cu comun-
idad lo a sostene e accion aki masalmente pa asina logra na “Kibra Silencio” pa
conscientisa tur hende di violencia contra di hende muhe aki na Aruba. Un grupo
di algo mas cu 50 persona a participa na e marcha aki cu a Sali for di dilanti di
edificio di Corte den Prome Instancia y a cana bay rumbo di edificio di Gobierno,
caminda a entrega un manifiesto relaciona cu e tema serio y delicado aki.
No solamente e tipo di incidente aki a bin ta aumentando ultimo añanan pero
tambe mester menciona cu lesionnan cu victimanan di violencia domestico ta
Diaranson, 29 November 2023
ricibi, tambe ta birando mas y mas fuerte y serie,
caminda bida di e damanan aki, cambia total-
mente. Cu solamente 50 hende a participa na
e marcha aki di cual masha poco tabata hende
homber, no ta nifica cu e tabata un fracaso, al
contrario e marcha aki mester sirbi como e punta
di salida pa un campaña mucho mas fuerte pa
condena abuso cu hopi hende muhe, demasiado,
ta ser someti na dje den nan relacion.
Tin casonan tristo cu a tuma luga, di victimanan
cu a perde oido den un banda di orea, otronan cu a
perde djente, otronan cu a sufri daño cu nan bista,
otronan cu a keda marca pa semper ya cu un tipo
agresivo y sin compasion, a uza arma blanco riba
nan. Un di e casonan mas tristo cu a sosode e aña
aki sin duda, tabata un señora kende su pareha
a dicidi di termina cu su bida, a mata su victima
y despues e mes a pone fin na su bida pero ni
e tipo di drama serio aki, ta causando cu otro
agresornan ta dicidi di cambia nan mentalidad,
domina nan ‘jaloersheid.’
Tambe tin demasiado caso ainda di loke ta ser
considera un “ex” kendenan no kier acepta cu
nan pareha a dicidi di no sigui den e relacion, ya
cu no solamente nan ta wordo abusa fisicamente
pero tambe psicologicamente caminda nan cant-
idad di ocasion e tipo “ex-nan” aki, ta haya cu nan
pareha no por sigui cu nan bida c’un otro persona.
Otro caso tristo cu a hala atencion, tabata di un
homber kende a dicidi di abusa sexualmente di un
colega di trabou, mientras cu e dama aki tabata
for di tino pa consumo di alcohol mustrando un
biaha mas un tipo di mentalidad cu ta inaceptabel
den sociedad.
Diasabra un grupo di 50 persona a dicidi di marcha
pa exigi un fin na violencia contra hende muhe y
sin duda pa miles di victima di abuso fisico den
relacion, e marcha aki a nifica hopi ya cu nan a
mira nan mes representa pa e grupo aki.
Sin duda a hunga un rol den e cantidad di partici-
pantenan, cu hopi victima ainda no tin e curashi
di bin dilanti y confirma cu nan a sufri maltrato na
man di nan pareha loke ta haci nan situacion un
tiki mas dificil.
Pa miles di hende muhe kendenan ta wordo
maltrata riba e isla aki, mas accion ta rekeri y ta
necesario, caminda programanan di conscienti-
sacion y sosten lo por haci un diferencia grandi
den nan bida, ya cu e tipo di casonan aki, no
conoce cierto categoria ya cu tin demasiado caso
caminda hasta figuranan conoci den comunidad,
ta haci nan mes culpabel na e abuso aki y esey tin
cu pone fin na dje.