Page 9 - ARUBA BANK

a7
regional Diabierna 23 Juni 2017
Boksmento na Brasil a laga 21 morto y 13 herido

BRASIL (BioBio).- Un autobus a dal contra un
ambulance y a laga 21 hende morto y 13 persona
herida na estado di Espirito Santo, sur di Brasil.
E incidente aki ta e di tres suceso riba caminda
na pais ey.

Secretaria di siguridad publico di Espirito Santo na Brasil a
informa cu na prome momento tabatin informe di 15 hende
cu a fayece y cinco cu a keda herida, pero despues nan a actu-
alisa e balans y nan a aumenta e cantidad di victimanan.

13 hende cu a wordo herida a wordo hiba pa hospital cerca di
Guarapari, caminda a tuma luga e suceso, despues cu un truck
cu tabata transporta piedra a dal contra un autobus y asina mes
contra dos ambulance, na caretera federal cerca na Guarapari,
500 meter di Riu di Janeiro, Vocero di secretaria a informa.

13 hende cu a muri tabata pasahero di e bus , hunto un morto
mas cu tabata den ambulance y e chauffeur di e truck cu a
fayece tambe. E boksmento aki a origina un candela tambe.

Esaki ta e di tres boksmento riba aña 2017 na Brasil. Dialuna 10 persona a muri y mas di 20
a wordo herida, ora cu un autobus a bolter na Minas Gerais. Diasabra cu a pasa, un auto a
bolter tambe lagando 10 morto y mas di un dozijn di persona herida na estado di Piauí, noord
di Brasil.
Cerca di 47 mil persona a muri riba e caminda di e pais mas grandi di Latino America na aña
2013, riba e caminda tabata core mas di 81 miyon di auto, pa 200 miyon di habitante, segun
organisacion mundial di salud.

Otro hoben Venezolano a muri den protesta na Caracas

VENEZUELA (ElDia).- Ministerio publico di Venezuela a informa di fayecimento di un hoben di 22 aña, cu a haya un tiro du-
rante un manifestacion di oposicion na autopista Francisco Fajardo, principal caretera di Caracas.

“Fiscal 126 di Area Metropolitano di Caracas lo investiga e
fayecimento di Luis Vallenilla (22), cu a haya un tiro durante
e manifestacion na sector di Altamira” fiscalia a publica riba
twitter.

Cu e fayecimento aki , fiscalia tin 75 Venezolano cu a fayece
segun dato cu ta actualisa pa fiscalia di Venezuela , desde dia 1
di april cu a cuminsa e ola di protesta.
Alcalde di municipio di Chacao, Ramón Muchacho, a bisa
cu e victima tabata na autopista, unda varios persona tabata
manifesta, mayoria di nan cu nan cara tapa.

Nan tabata enfrenta cu polis,militar y un di oficial di siguri-
dad a tira un tiro den base militar di La Carlota.

Lider opositor Venezolano Henrique Capriles a denuncia
tambe cu e hoben a wordo asesina na “Quema ropa”, kier-
men cu un tiro hopi cerca pa funcionario “esbirros” di Nico-
las Maduro.

Durante protesta varios persona a wordo herida, aunke no tin
informacion ainda si nan a wordo lesiona pa arma di rubber
of arma di candela.