Page 4 - RDA

2 AWEMainta Dialuna, 28 Mei 2018

Pa yuda gana confianza di Hulanda

Prome Minister Evelyn Wever Croes a biaha pa Hulanda

Tabata ayera, cu Prome Minister Evelyn Wever Croes a biaha
pa Hulanda. Esaki ta su prome bishita oficial pa Hulanda
despues di asumi su responsabilidad como Prome Minister.
E.o. e lo reuni cu Rey Willem Alexander, e lo tin un reunion
cu su colega Mark Rutte y cu otro mandatario mas.
Su meta ta, pa re-establece confianza bek entre Hulanda y
Aruba, cu a daña masha hopi debi n’e actitud di ex Prome
Minister Mike Eman.

Evelyn Wever Croes lo reuni tambe cu Minister di Relacion
Exterior, Stef Blok hunto cu e Secretario di Estado pa
Asuntonan di Reino, Raymond Knops. E lo topa tambe cu
Piet Hein Donnor, Vice Presidente di Raad van State.
E topiconan di discusion ta e.o. e situacion financiero di
Aruba, pero tambe e future relacion cu Venezuela.
Lo discuti sigur riba e importacion di fruta, berdura y pisca,
cu te awe Aruba no ta hayando, siendo na Corsou si.

Mescos cu el a haci Costa Rica, lo e lansa e plataforma p’e
hoben profesionalnan, kendenan no ti n mucho interes pa
bolbe nan isla natal, despues di termina nan studio, pero
Aruba mester di su profesionalnan.
Prome Minister Wever Croes lo atende un invitacion di
Genootschap Nederland-Aruba, unda e mandatario lo duna
un conferencia di prensa n’e centro di prensa na Nieuwspoort.
E mandatario lo papia riba con e lo atende cu e cantidad
di retonan cu Aruba tin. E.o. Hulanda kier sa opinion di e
mandatario riba e crisis na Venezuela, ki efecto esaki lo tin
pa cu e refineria di Citgo.

E solo hecho cu Hulanda no a reconoce eleccion di Nicolas
Maduro como Presidente di Venezuela, por tin consecuencia
pa cu rehabilitacion di e refineria. Mas ainda cu Merca a
anuncia di aumenta e sancionnan economico contra di
Venezuela, den cual ta inclui PDVSA y consecuentemente e Prome Minister Evelyn Wever Croes lo keda un siman
refineria di Aruba tambe lo sinti e efectonan aki. Hulanda, sperando di bin bek cu noticia positivo.

E siman aki

Parlamentarionan lo topa den un otro reunion di IPKO

PARLAMENTO di Aruba, Corsou, St. Maarten lo topa cu nan colega di Hulanda e siman aki den un otro reunion Inter
Parlamentair Koninkrijksoverleg (IPKO). E encuentro aki ta tuma lugar na Den Haag, unda e diferente comisionnan lo
discuti e diferente temanan cu tin pendiente.
Asina ta pendiente, e Areglo di Conflicto, cu ta data for di masha tempo sin solucion, lo discuti tambe e desaroyo duradero
y e situacion politico na Venezuela.

Reunion di IPKO ta for di dia 29 di mei te cu dia 1 di juni awor. E apertura mes ta mañan durante un reunion plenario
den sala di reunion di Eerste Kamer. E lo wordo habri pa Presidente di Eerste Kamer, sra. Ankie Broekers-Knol. Despues
di esaki, lo habri discusionnan riba ultim desaroyonan.
Pa loke t’e situacion na Venezuela, lo ta riba agenda diarazon, unda Hulanda kier sa ki consecuencia esaki por tin pa
Caribe Hulandes.

Diahuebs lo haci varios bishita di trabao e.o. na Universidad di Wageningen pa ta testigo con nan ta atende cu procesamento
di sushi. Pa diabierne lo ta final di e reunion di IPKO, unda lo clausura esaki cu un conferencia di prensa.