Page 61 - MIN VOS

a12 riba caya
Diaranson 17 Mei 2017
Bringamento na stadion

Dakota despues di wega

di futbol

DAKOTA – Dialuna anochi na stadion Dakota a surgi
un problema riba veld na momento cu un tiro liber a
tuma luga na fabor di RCA, pero aki hungado a pusha
otro.

Aki keeper a cay aden y a dal un hungado di RCA y esaki a
pone cu tur cos a bay for di man y un banki a bula bin cay riba
e veld. Esaki a pone cu polisnan a presenta di biaha na e sitio
pa asina mantene ordo publico.

Polis a cera luganan di bende cuminda

pariba di brug

SANNICOLAS - Diamars mainta pa merdia un team di Polis di San Nicolas a subi
caya pa asina controla luganan cu ta bende cuminda. A haci bishita na basta estab-
lecimento pa controla loke ta parti di higiena, siguridad y si tin permiso.
Polis a cera cuatro di e luganan cu no tabata cumpli cu algun rekisito pa tin e luga habri y a cera
esakinan pa 24 ora , mas na algun te ora cu cumpli pa loke a haya fayo na dje. E controlnan
aki ta bin di sorpresa for di autoridad pa asina mantene e luga na on top di loke ta siguridad,
higiena y permiso pa asina opera pa brinda e servicio na cliente.

Habitante a topa cu intruso

drentando apartamento

MONTAÑA - Diamars marduga habitante den aparta-
mento a constata cu lo tin dos intruso ta purbando pa
kibra drenta un apartamento mientras cu e doño mes
no t’ey.

Di biaha e habitante a yama
polis. Patruyanan di Noord
a presenta na e sitio y gara
e personanan cu tabata in-
tentando pa drenta paden
via di e porta. A bay over na
detencion mientras un otro
a core drenta mondi sconde
den scuridad.