Page 4 - AM220926

Editorial - Maritza Maduro AWEMainta
AVZ ta un compania di seguro:
“mester lesa e letternan fini bou di e contract”
empo ta pretando pa
T gobierno, dianan ta
pasando y gabinete Wev-
er Croes tin cu “trek
recht” tur locual el a
keda sin haci pa loke
ta recomendacion- y
acuerdonan cu a wor-
do acorda cu tanto CAft
como RMR.
Pa alivia e iritacion grandi cu
gobierno a ocasiona tanto cu
RMR como CAft, awor ta introduciendo tur medida cu a laga
colga na caminda den un lapso di tempo cu ta mara na un
medida den forma di un “aanwijzing,” caminda sin duda e
lista di introduccion di e lista di remedi cu ta wordo cubri
opa AZV, ta un di nan.
E lista produci diabierna ultimo pa AZV, ta contene infor-
macion concreto di cual ta e remedinan cu clientenan di e
seguro medico aki ta cubri y otronan cu lo no wordo cubri
mas pero dentro di henter e pakete di medida aki pa loke ta e
lista di remedinan, AZV mescos cu cualkier otro compania di
seguro, cualkier contract di banco of den cualkier negoshi,
semper ta bon pa esun cu ta firma e contract, ta wordo
conseha pa nan lesa bon tur loke ta para den “letternan
fini” y hopi chikito, patras of na e parti abou di cada blachi.
Eyden tin ora tin cierto cosnan ta wordo publica caminda
hopi hende ta comete e eror di no pasa over di e “print fini”
aki cual lo por bira e eror mas grandi cu esun cu a firma
esaki lo por wordo confronta cu ne.
Tin cierto aspectonan di e informacion
di AZV cu ta hopi cla, sigur e lista di
remedinan cu AZV ya lo no cubri mas
pero cu lo bay forma un problema pa
principalmente e grupo di entrada abou,
esunnan cu ta depende di onderstand y
sigur un grupo grandi di pensionadonan.
E lista positivo aki di AZV ya caba a wordo introduci dia prome
di April di 2021 pero ora cu gabinete Wever Croes a mira e
impacto negativo cu esaki a causa den comunidad, Prome
Minister Evelyn Wever Croes den nomber di su gabinete, a
dicidi di elimina e medida aki entrante prome di Mei di 2021.
4
Dialuna, 26 September 2022
Durante di un discurso nacional, Prome Minister entre otro
a señala: “Hopi hende a acerca gobierno cu nan no por
paga pa remedi. Hendenan cu ta depende di bijstand, FASE,
pensioen di biehes. A scucha dolor den comunidad.”
Sinembargo e siman aki cu gabinete Wever Croes II tog ta
introduci e lista positivo aki, e situacion di e grupo menciona
pa Prome Minister na 2021, ta den mesun situacion, ya cu
hopi a perde e ayudo di Fase, e grupo di bijstand ta cobrando
mesun cantidad di placa mientras cu e grupo di pension-
adonan, tambe ta sigui mesun cos.
Al contrario, nan tur ta pasando den momentonan ainda mas
dificil cu na luna di Mei di 2021, ya cu desaroyonan mundial
a percura pa un inflacion barbaro cu sin duda a aumenta
problema financiero di hopi famia aki na Aruba.
Na momento cu gobierno mes kier defende su maneho, tur
culpa ta wordo tira riba aumento di prijs di combustibel riba
mercado mundial y e guera arma entre Rusia y Ukraina pero
awor riba tur esaki, ta bin e decision di gobierno pa intro-
duci e lista positivo di remedi.
E presion cu CAft ta poniendo riba
gobierno di Aruba ta uno formal ya cu
henter e plan pa mientras cu ainda por
spera introduccion di “eigenbijdrage” cu
tambe a wordo suspendi pero no elimina.
Manera cu e plan di gobierno y AZV tabata pa esaki, ta cu
entre otro esunnan cu bay Eerste Hulp, tin cu paga un suma
di 15 florin pa wordo atendi y mesun suma dokter di cas lo
cobra pa atende cu pashentnan den oranan di anochi.
Testnan di laboratorio lo bay costa un florin pa cada test
mientras cu na momento un pashent bishita un specialista,
e tin cu paga 5 florin adicional mientras cu tambe tur hende
cu wordo busca y transporta den ambulance, tin cu paga pa
e servicio aki.
Pa loke ta e lista positivo di remedi cu lo drenta na vigor
diasabra venidero, ta bon pa tur hende lesa e informacion
suministra pa AZV hopi bon mes, lesa esaki den tur forma
posibel, ya cu tin cierto cosnan cu ta hopi cla pa varios
hende pero un grupo grandi lo no compronde loke AZV ta
trece dilanti y nan lo wordo sorprendi y perhudica!