Page 28 - KPA 22JAN,2016

Djabièrnè 22 Yanüari 2016 41

KASONAN DI
MALTRATO
RELASHONAL
TA SIGUI
DOMINA

KORTE

WILLEMSTAD. - Awe
atrobe korte tin vários
kaso pa atendé kuné
kaminada ku akusadonan
a hasi nan mes kulpabel
na maltrato relashonal.

Ketu bai tin hopi di e
kasonan aki ta bin dilanti
den korte i ta parse ku no
ta bin un fin.

Un di e kasonan ku a
hala atenshon pa loke ta
su akusashon ta e kaso di
un hòmber ku lo mester
a maltratá su pareha
kaminda ku e lo mester
a heridá su pareha ku un
opheto skèrpi na su brasa
robes i tambe a sende un
kolchon na kandela, den
intento pa kima e kas.

E momentu ei den su
furia el a usa e palabranan
“Wak bo kaya i mi no ta
laga bo biba trankil”.

E suseso aki tin ku e
akusado ta será for di e
dia ei i ainda ta será.

Pa loke ta trata e kaso
aki tin un daño i perhuisio
pendiente ku ta kore den
12 mil florin, pa e daño ku
e kandela a kousa.

Awe e kaso aki lo keda
tratá pa loke ta trata su
kontenido.

Tin un kaso mas ku lo
keda tratá kaminda ku
e akusado di 53 aña di
edat a menasá tur hende
den kas ku e lo mata
nan i tambe kima e kas
kompleto.

E tabatin un arma di
kandela den su poder
i a maltratá un di e
personanan hende muhé
malamente ku esaki.