Page 43 - ATA

Pa cual motibo Prome Minister a duna importancia pa para keto na e tema aki un biaha

mas pa informa e pueblo di e situacion real. E mandatario ta indica cu keto bay conseho

di biahe ta keda cu si no mester bay Venezuela, no bay. Aunke tin cierto buelonan cu si ta

logra trece nos hendenan bek, pero e aerolinianan keto bay ta confrontando mas y mas

problema pasobra e buelonan ta obliga pa bin bek bashi pa motibo cu Venezuela no ta

laga otro hende cu no tin nacionalidad Hulandes subi avion y esaki ta un perdida grandi

pa e aerolinianan. Aerolinianan ya caba a cuminsa bati alarma pa cu e situacion aki.

Biahamento pa Venezuela no ta wordo recomenda, cual ta causando hopi molester mas
tanto tambe pa esnan cu ta bay Venezuela constant pa chekeo medico cual a bira hopi

dificil y casi imposibel den e temponan aki. Y cu e situacion di PAWA na Santo

Domingo

ta complica e situacion un tiki mas.

Pa loke ta trata importacion di fruta y berdura, Prome Minister ta indica cu hunto cu

importadornan, Gobierno ta haci tur posibel pa no tin scarcedad na Aruba y pa e

productonan aki wordo importa na un prijs no mucho mas halto cu anteriormente. Lo no

bay mira cambio pa loke ta trata fruta y berdura cu ta bin caba for di Merca of di otro

paisnan.

Prome Minister ta indica tambe cu e documento cu Gobierno di Aruba a negocia cu

Venezuela ainda no a wordo firma. Awo Venezuela a pone riba mesa cu e sancionnan cu

e comunidad europeo a impone riba Venezuela mester wordo kita. Union Europeo a

pone e sancionnan riba 7 miembro di Gobierno di Venezuela. Esaki kiermeen cu

momento cu e sancionnan aki bira ley y e 7 personanan aki tin cualkier pertenencia sea

ta placa of posicion na Aruba, Gobierno lo mester bay over na vries esakinan.
Esaki sigur lo haci cu e situacion diplomatico entre Venezuela y Aruba ta bay escala mas