Page 71 - MIN TTC 8 APRIL 2016

Rene Herde': MEP no kier pa minister contesta pregunta

Thursday, 07 April 2016 16:11
Comparti

Un hilaridad nobo di MEP ta cu nan kier prohibi un minister di contesta nan preguntanan den sala di
Parlamento. Esey a sosode ora Minister Otmar Oduber a bin parlamento pa contesta preguntanan
tocante di e destaho pa usa e derechonan di e logo di promosion di Aruba.
Fraccion di AVP a entrega cinco pregunta al caso pa e minister bin contesta. E fraccion di MEP a haci 20
pregunta yena cu insinuacion y cu peticion pa duna informacion confidencial. Segun reglamento di orden
di Parlamento e minister mester contesta e preguntanan cu a haci na dje pa e reunion. E preguntanan cu
MEP a haci tabata pa e minister contesta riba papel. Pero ya cu e minister tabata den parlamento ela
ofrece pa contesta tur e preguntanan di MEP tambe. Esey lo a sirbi transparencia publico, pasobra e
reunion tabata wordo transmiti via television pa tur hende por wak y tende. Esey a wordo aplaudi door di
AVP. Sinembargo e dos miembronan di e fraccion di MEP cu tabata den e reunion a protesta contra di
esaki y no tabata kier pa e minister contesta nan preguntanan pa henter pueblo mes por a wak y
scuchames ora. E dos miembronan di MEP a insisti pa e minister manda su contestanan scirbi. Minister
a bisa di lo contesta nan a corto plazo. Pero tur hende a keda straña cu esnan cu a haci pregunta, no
tabata kier pa e minister contesta e preguntanan na momento cu henter pueblo ta wak. MEP kier haya e
contestanan scirbi pa nan sigui haci tur sorto di insinuacion y acusacion cu palabranan di e minister.
Obviamente no ta e berdad ta loke MEP kier, pero djis cosnan pa haci wega sushi cun'e. Esey ta e nivel di
MEP awe!

Middenweg – Oranjestad 1934 Skirbi pa Clyde Harms

Thursday, 07 April 2016 15:25
Comparti

Algun siman pasa un amigo a mustra mi un postkaart di alrededor di 1934 y el a puntra mi si mi ta
reconoce e luga. Manera mi plant’i man! Cu hopi nostalgia mi a splica e amigo: E potret ta mustra loke
awor ta e parking lot na Middenweg pabou di Burger King y mi a comparti algun recuerdo di mi di e caya.
E cas cu un stupie tabata e cas di Margareta Ponson, “Tanta Machie”, ruman di mi wela materna Eliza
Wever Ponson. Den e rij di cas, esaki ta e unico cu tabata habri riba Middenweg; e otronan tabata habri