Page 6 - AHATA

Dialuna, 22 Januari 2024 AWEMainta LOCAL 3

For di diasabra “yatenan” a bira trailer riba lama pa ‘boatfest’

opi aña atras prome cu e asunto di “kavel”

Ha bira realidad, tur hende cu tabatin un of
otro trailer for di prome cu celebracion di Pasco
y Aña Nobo, ta drecha, verf y prepara tur cos pa
asina e momento yega, nan core bay pone nan

trailer riba Vondellaan y LG Smithboulevard.

Solamente tabata mester di e fecha pa haci esaki
ya cu esun cu yega prome, ta bebe awa limpi y

e fin di siman aki e tradicion di antes a bolbe
lanta un tiki, no ta ponemento di trailer pero pa
“staciona” boto y yatenan na e beach cu antes
tabata conoci como Havana.

For di diabierna atardi por a mira algun move-
cion dilanti di e beach na Havana y segun oranan
tabata pasando y tambe den oranan di anochi

laat, a mira cu e “stacionamento” dilanti di e
beach a cuminsa congestiona mas y mas y pa
diasabra mainta ya tabatin un gran cantidad di
yate y otro tipo di boto mara sperando ansiosa-

mente e “boatfest” cu a cuminsa bira un tradi-
cion den tempo di carnaval

Diasabra anochi por a mira hopi actividad tanto

riba e botonan como riba beach ya cu practi-
camente por bisa cu no tabatin ningun yate of
boto bashi ya cu famia- y amigonan a dicidi di
pasa diasabra anochi sperando diadomingo, cu

musica di carnaval, otronan tirando cabes den
lama den oranan scur di anochi y otronan sinta
riba beach ta sperando mainta habri.
Diadomingo mainta for di tempran por a nota cu

mas boto y yate a sigui yena dilanti di e beach
y durante di henter dia, casi te den oranan di
atardi, tabatin un acumulacion di cantidad di
hende cua bin pasa dia na e beach den un ambi-

ente unico di carnaval.

Por a constata cu tanto diasabra anochi como
diadomingo marduga hende sinta of drumi den

auto sperando e actividad di diadomingo loke
tambe a crea un ambiente unico y special, mien-
tras cu autoridadnan policial tambe a controla
regularmente pa evita un of otro problema.

Un bon ambiente pero tambe un tiki bruha cu
hopi hende uzando nan sistema di toca musica
cu hopi volumen loke a crea un ambiente un tiki
bruha cu hopi musica tocando den otro pero en

realidad e ‘boatfest’ a bira otro exito e aña aki
atrobe.