Page 30 - AHATA

ORANJESTAD (AAN) – Den e mesun contexto di Caya principal y e situacion dificil cu e
ta confrontando, Presidente di KvK Kawish Misier, a menciona algun, proposicion.

Na prome lugar, evita pa mas malls bin acerca y evita pa Port City wordo desaroya y

competi directamente.

Ademas, bin cu un sistema cu e comerciantenan den Caya Grandi ta mas uni, pasobra
na final di dia e comerciantenan y hende cu ta worry cu e centro di ciudad, ta esnan cu

ta wordo afecta directamente, y KvK ta wordo afecta direct y indirectamente.

El a sigui splica cu asina un negoshi cera den Caya, KvK ta haya menos entrada, pero
esaki no ta depende solamente di esnan den centro di ciudad pasobra si ta bira hopi

activo pa representa Caya principal, esnan di Tanki Lender y Noord ta puntra di con
KvK ta yuda esnan di centro di ciudad y nan no.

Camara di Comercio no por haci hopi mas di loke e ta haciendo pero di otro banda KvK

tin algun plan, y esey ta encera cu full e parti di “main street” ta bay den un tipo di
stichting, of un sorto di sui generis, na unda e no ta un tereno publico mas.

Aworaki aki adictonan ambulante gewoon ta cana eynan y polis no tin autoridad pa

saca nan pasobra e ta tereno publico, pero si e ta bira sui generis por bin cu otro
ideanan, saca e adictonan, bin cu mas seguridad, mas luz, cu diferente horario pa
security y esey ta un di e obstaculonan cu lo bin.

Tambe lo percura pa bin un sistema cu ta trece mas sombra pa haci mas confortable
haci compras, y na mesun tempo lo baha e costo di electricidad pa e comerciante,
pasobra lo tin menos calor, y anochi lo tin luznan LED, y asina famianan lo por cana
anochi sin cu e ta peligroso.

https://www.diario.aw/2019/12/kvk-tin-algun-plan-pa-caya-principal-y-un-ta-pa-e-bira-sui-generis/