Page 4 - LOTTO 3 OCT 2015

20 AWEMainta Diasabra, 03 October 2015

Aruba Table Tennis Association a tene
nan competencia di ranking september

CADA luna Aruba Table Ten-

nis Association (ATTA) ta tene
nan competencia di ranking den
tur categoria. Diamars ultimo
a hunga den e categorianan di
beginners, U - 10 , U - 13 y U – 18.
E puntuacion di ranking ta uno
hopi importante p’e federacion di
tennis di mesa, asina ki por mira
na ki luga cada hungado den tur
categoria ta posiciona tur luna.

Den e categoria beginners e
prome luga a bay pa Jean Mark,
mientras den e categoria U-10 e
prome luga a bay pa Shawn Kock,
na di dos luga a keda Kyle Huges
y Lo Thien Huang a ocupa e di
tres luga.
Den e categoria U-13, e prome
luga a bay pa Ching Ho Chung, na
di dos nos ta haya Jhonatan Pare-
des y na di tres luga Bob Chung.
Den e categoria U-18, e prome
luga a bay pa Zhao Xie, na di dos
luga, Jeandry Mathilda y na di
tres luga Donald Yarzagaray.
Den B-klas nos ta haya na di
prome luga Alfred Leong, na di
dos luga Donald Yarzagaray y na
di tres luga Wing Chow Leong.
Por ultimo den A-klas nos tin na
di prome luga Mario Lobo, na di
dos luga Andy Gomez y na di tres
luga Zhao Xie.

Mester bisa cu den e ultimo añan-
an e deporte di tennis di mesa a
bin ta crece den un forma impre-
sionante unda principalmente
hopi mucha a cuminsa practica
e deporte aki. Den e ultimo dos
añanan, ATTA a atende varios
campo di entrenamento cu nan
hungadonan infantil y hubenil
den Caribe.

Otro siman lo inicia na Aruba
tambe e Dutch Caribbean Tour-
nament den tennis di mesa cu
participacion di Surnam, Corsou,
Boneiro y Aruba.