Page 69 - MIN JUS

ocho añanan ta renobando bario y ta poniendo klinker y asfalt den e barionan. Cada dia ta

haya un carta di un otro bario cu kier pa nan caminda wordo drecha.

Logico, cu e no ta sano ni tampoco deseabel pa un ciudadano ta biba den un caminda di

santo, tur dia stof. Nos tin un clima hopi seco. Tur dia stof ta asota e casnan aki. Pero

Gobierno, durante e ultimo ocho añanan ta purba di asfalta, traha caminda nobo y ta e

fondonan tin biaha no ta yega pa haci tur caminda.

Sinembargo e aña aki, despues cu a wordo asota cu parti di e horcan cu a pasa banda di

nos, a delibera e ora cu Hulanda y di e propio begroting unda pa haya fondo extra pa
drecha caminda y tambe drecha camindanan cu tin di santo, esaki a yega na un acuerdo

cu fondonan cu a keda den FDA. Un parti di dje a wordo destina y awor aki ta

ehecutando na e momentonan aki. Ta bisa tambe cu e proximo cuater añanan, a cumpli cu

e cuater proyectonan di mas grandi cu nos pais lo conoce, cu ta e Green Corridor,

bayendo San Nicolas, Watty Vos Boulevard, rond di Playa, e mudamento di waf pa

Barcadera y Hospital nobo y expansion. Una bes cu caba cu e cuater proyectonan aki, e

concentracion lo bay ta mas den e barionan. Den e proximo añanan, e begroting y enfoke

lo ta cerca di nan cas. Pone camindanan nobo, camindanan existente renoba nan, haci nan

mas small, pone sleeping police, pone plateau den bario, pone luz den e barionan, acera
den e barionan, parkenan pa recrea. Eseynan ta bay ta enfoke di infrastructura di parti di

Gobierno. Den e proximo cuater añanan lo mira un Aruba completamente renoba, unda

cu no lo tin e problema di stof mas den cas.

Segun e minister, oponentenan ta ocho aña caba bisa cu ta poniendo prioridad robes. Esey

ta un mensahe pa comunidad cu ta bisa cu si nan drenta den Gobierno nan no ta bay sigui

cu asfalt ni cu klinker. E ora ta puntra kico ta e prioridad anto. Nan tabata tey ocho aña,