Page 84 - MIN JUS

A fortifica Cuerpo Policial, institutonan di husticia cu personal. A haci’e cu material y

tambe a percura pa tin suficiente ley cu ta haci e trabao posibel. Awor aki ta mira e

resultado di e inversionnan cu a haci durante 8 aña.

E parti cu falta, ta e parti caminda cu tin cu, conhuntamente mester percura pa loke ta e

parti preventivo pa hobennan cu ta desaroya nan mes riba e pais aki den un forma sano,

preveni pa nan cay den crimen. Pero na momento cu comete crimen por conta cu tin un

cuerpo sumamente profesional. Departamentonan sumamente determina pa ponebo tras

di tralie, esey ta tuma luga tambe.

E minister ta manda felicitacion pa tur esnan cu ta traha den ministerio di husticia cu ta

duna di nan banda diariamente, pa por logra loke ta logrando. Ta sinti cu e señal ta wordo

manda hopi cla cu ta comete crimen. Bo no ta wordo stroba pa comete crimen, pero ta

strobabo si di probecha di loke bo horta of loke bo a kita for di nos hendenan y ta percura

tambe pa den futuro cu ora bo haci malo, bin kita cosnan bek for di bo pa asina bo sinti e

dolor cu bo comete na hende.

E afpak team ta preparando pa kita diferente propiedad di personanan den comunidad y

esey ta un cos cu ta traha duro pa yega na dje y a haya hasta complemento di otro

partinan den reino pa e forma con Aruba a traha e ultimo añanan aki pa loke ta siguridad

y husticia. Tin algun organisacion cu tur dia ta cana fiesta unda cu tin dolor den e pueblo

aki. Pero ta spera cu nan ta reconoce tambe e tremendo trabao cu ta wordo haci door di e

departamentonan hudicial.