Page 91 - MIN JUS

ORANJESTAD, Aruba

Siman pasa a tuma luga e apertura oficial di Centro Pedagocio na Dakota. Parlamentario Kelly
tabatin e honor di ta presente na e ocacion aki pa asina por haya un bista di e facilidadnan cu e centro

aki ta ofrece.

Grupo cu e centro ta enfoca ariba

E centro ortopedagocio ta destina pa hobennan di 12 pa 18 aña cu problemanan psicosocial y di cual
mayornan tin dificultad pa guia nan. Den e departamentonan pa mucha homber y mucha muhe ta

diferencia entre candidatonan “open” cu tin un poco mas libertad y esunnan “besloten” cu ta mas
cera. Cua hoben ta bay den cua departamento ta depende di e tipo di gravedad di e problema cu e
hoben tin.

Mision y guia

E centro ortopedagogico ta forma un laso profesional den e cadena di cuido social pa hobennan na
Aruba. Na un forma metodico e ta ofrece tratamento y guia na hobennan cu problema psico- social,

pa den un termino mas cortico posibel nan por siña e habilidadnan necesario riba diferente areanan di
desaroyo.

E trayectoria di guia den e departamentonan di e centro ortopedagogico ta cana den fase. E meta di e
fasenan aki ta pa traha gradualmente riba cambio di conducta, reenforsando e comportacion desea

door di duna e hoben mas responsablidad y libertad. Den e fase final ta spera cu e hoben lo ta cla pa
funciona na un forma independiente y cu e lo por para riba su mesun pia, sea den e seno familiar of

den comunidad.

Parlamentario Kelly kier manda palabranan di pabien na henter e team di e centro ortopedagogico cu
ta traha cu e hobennan 24/7 y ta deseanan hopi exito, ya cu e trabou aki ta referi hopi pasenshi y
dedicacion.

Nos por mira una bes mas cu Gobierno di Aruba ta presenta un proyecto cu ta na bienestar di nos
hobennan y cu lo sa di percura pa duna nos hobennan tur e tools pa asina nan por funciona na un
forma adecua den nos comunidad.