Page 5 - AWEMAINTA
P. 5
Diabierna, 11 Mei 2018 AWEMainta 5
Team di Aresto a para 4 hoben den Georgemadurostraat pa controla
DIARANSON anochi pa mas o menos 10:45, polis di
trafico ta topa cu un Chevrolet Cruze cu tabata wordo
busca algun rato prome.
Informacionnan cu polis tabata tin ta cu den e auto lo tin
4 persona. Altura di aeropuerto un rato prome a perde e
auto aki.
E momento eynan patruya di Santa Cruz tambe tabata
busca e auto.
Un agente di trafico semper atento, a bay tira bista na
unda e auto ta registra y ta haya esaki tambe.
Cu ayudo di Team di Aresto (Rapid Response Team) nan
ta baha tur 4 hoben, y ta pone nan ariba rudia na muraya.
Mientrastanto agentenan tabata rista den e auto, bus-
cando algo. Algun rato despues un unidad di K9 tambe a
yega y a laga e K9 controla e auto.
Buscando algo ilicito, lo por tabata droga of arma. E ca-
cho a sinta un rato patras ariba e sienta, pero no a spot
nada.
Na final un otro patruya a yega y a cuminsa tuma dato di
e tur e hobennan.
Pa loke ta e auto, esaki a wordo confisca y hiba warda cu
takelwagen.
