Page 34 - KPA JULY 10

Buskeda masal pa dos ladron di wheel di
autonan KIA
Friday, 10 July 2015 08:52
Comparti

Den oranan di marduga un supuesto ladron di wheel di autonan KIA a keda deteni y su complice tambe.
Habitantenan atento a mira movecion straño den nan barrio. Mesora a bati alarma. Polisnan a bin y un
ladron cu kier a bai horta wheel di un taxi a core bai. Esaki a pasa banda di Hooiberg Plaza.
For di 3or di marduga e prome informacion a drenta na polis. E bisiñanan a mira e ladron cu dos bloki
den man pa asina usa esaki pa horta e wheel di e auto. Despues cu el a core bai, polisnan a cuminsa un
buskeda. El a core bai na pia lagando su auto atras. Te hasta e auto Toyota cu e ladron a laga atras cu yabi
aden tin wheel di KIA pega bou di dje. Polis a confisca e auto pero a keda busca pa e ladron. Tres patruya a
cuminsa busca den e area. Mientrastanto e ladron a yama un amigo pa bin buske y mientras cu e amigo
tabata buscando e ladron, polis a pare. A puntre su e ta buscando algo. El a bisa Polis cu e ta trip. Polis a
lage bai. Asina mes e persona aki no a bandona e sitio y a keda den e area buscando e ladron. Nan tabata
comunica via telefon. Polis a ripara cu e amigo aki ta inisisti pa purba scapa e ladron. Despues di a keda
busca banda di Canashito, Yucuri te cu Mahuma a topa cu e Mitsubishi SUV atrobe pero cu dos persona
aden. A resulta cu el a pickup e amigo ladron e momento ey. Asina a detene ambos den e area di Wayaca y
bai cu nan warda di polis pendiente investigacion. E bisiñanan atento a pone cu no a logra horta e
wheelnan di auto y e insitencia di polis a pone cu a detene esnan cu kier a horta.