Page 45 - AVP

Minister Andin Bikker mustrando su diferencia di opinion cu OM

ORANJESTAD (AAN): Manera ta conoci, hopi reaccion a causa e hecho cu Ministerio
Publico a laga un turista mericano sali den libertad despues cu e tabata cera pa algun

dia relaciona cu un caso di abuso di mucha cu na final OM a cataloga como un delito
leve.

Relaciona cu e caso aki, DIARIO a entrevista Minister di Husticia Andin Bikker kende a

bisa cu for di 2012 caba, bao di gobierno anterior, a bin na vigor un codigo penal nobo.
Eynan tin e posibilidad di TOM-zitting, cual ta un zitting caminda Ministerio Publico mes,
por dicidi si ta persegui of no un persona.

Esaki ta posibel for di basta aña caba y no ta e gobierno aki cu a cambia e maneho. E
mandatario a agrega cu el a duna di conoce siman pasa cu e no ta di acuerdo cu e
decision di Ministerio Publico.

Door cu OM ta un organo independiente, a bisa, nan tin e monopolio di dicidi si nan ta
persigui un persona of no. Si OM tuma e decision cu nan ta persigui un persona,
articulo 15 di Codigo di Procedimento Penal ta duna e posibilidad pa e fundacionnan of
e personanan afecta apela esaki na Corte Comun. Corte Comun por dicidi si ta bay over

na persigui e persona ainda.

E percepcion cu ta Minister di Husticia ta dicidi no ta corecto. Ministerio Publico y Corte
di Husticia ta cay bao di Ministerio di Husticia. Pero no ta Minister di Husticia ta bay

dicidi den cada caso, a enfatiza.

E sistema aki ta uno cu a wordo hereda di e sistema di Reino Hulandes. Na Merca
tambe tin e ‘Prosecutors’ cu nan tin hopi discrecion si nan ta persigui un persona of no.

“Mi no ta di acuerdo cune, pero pesey e ora e instrumentonan cu nos tin ta pa cambia
ley”, Bikker a indica.

Di basta dia caba e mandatario a presenta un ley na Parlamento a aumenta e

castigonan. El a compronde cu parlamento ta bay trat’e den fin di siman aki of otro
siman.