Page 56 - AVP

Shailiny Tromp-Lee (MEP): “Dia, 9 Di Maart 2020,

Nos A Reuni Cu ATIA Den Comision Fiho Di Labor Y

Sector Primario Cual Mi Ta Presidi.”

 Featured

 Politica
- 11/03/2020

Un reunion cu pa algun tempo tabata pending. Comision Fiho di Labor y Sector Primario,
presidi pa Shailiny Tromp-Lee, a reuni cu Representantenan di ATIA, esta sr. Tito de
Cuba kende ta Sectretario di Board di ATIA y sra. Michelle de Groot Director di ATIA.

ATIA como organisacion ta traha cu diferente comision interno. Un di nan ta esun di
labor. Sr. Tito de Cuba ta presidi dicho comision pa ATIA.

INDUSTRIA TURISTICO
Durante e reunion a trata diferente punto. Entre otro a trata e retonan grandi riba mercado
laboral, si tene na cuenta e posibel desaroyo economico cu ta keda premira p’e industria
turístico.

Desaroyonan cu lo crea cuponan di trabou y cual n’e momentonan aki nos mercado
laboral no por yena. Un manera cu a keda trata pa contra aresta e problema aki, ta dor di
stress riba un mihor matching entre labor y enseñansa.

HOBENNAN & EMPLEO DI FUTURO
Otro aspecto interesante y cu ATIA tambe ta subraya su necesidad t’e maneho y plan di
accion dirigi riba nos hobennan.