Page 13 - MIN SJA 31 MAART 2016

Trahadonan di Hilton Hotel no ta acepta e pakete di CAO di e

hotel

on: March 30, 2016In: LocalNo Comments
Print Email

No ta posibel cu trahadonan ta duna tur di nan parti pa mantene un calidad di trabou na Hilton Hotel
pero pa e trahadonan no kier duna e CAO cu nan merece. Esaki ta motibo pa cual un welga a keda yama
segun secretario di FTA, Rudy Geerman.
E trahadonan a dicidi di protesta awe. Un protesta kisas cu hopi trahado a bisa cu mester a bin prome. A
bin ta negosha for di December, na momento cu e CAO a caduca y no por a yega na un acuerdo. Asina
mes a sigui haci intento y a manda diferente proposicion. Gerencia tambe di su parti, te cu siman pasa a
yega na un acuerdo, caminda cu Gerencia ta bisa di loke nan por duna e trahadonan. A reuni cu e
trahadonan y diahuebs siman pasa nan a haya chens pa vota riba e pakete ofreci pa gerencia. Den esaki
95% di e trahadonan a rechasa locual compania a propone. Compania kier propone pa bay cu un
contracto di 2 aña. E kier duna e trahadonan dos % reparti den dos aña pa loke ta aumento. Tambe
compania kier paga un lumpsum di 450. Un beneficio cu e trahadonan tin caba, caminda cu compania a
paga e 1% cu a subi, relaciona cu e AOV, cu esey compania a absorba y compania a bisa cu e kier kita
esey. E trahadonan a nenga esaki.
Mientras tanto FTA a manda un proposicion pa compania, pero e trahadonan a bisa cu ta basta y awe
mainta nan a dicidi di bay den accion. Mester bisa cu e mensahe tabata hopi cla pa gerencia. Un di e
prome accionnan cu a tuma luga awe, caminda cu trahadonan a tene cuenta cu tin turista den e hotel.
Consecuentemente no ta tur trahado a sali, operacion a sigui riba un base minimo, pero e mensahe
tabata cla, den e caso aki. Despues di esey gerencia a sinta cu e sindicato. A bisa gerencia cu nan no
mester tume como sorpresa. A bisa gerencia un biaha cu e trahadonan lo protesta y no lo warda mas.
Toch ta haya cu gerencia a yama e sindicato mainta, haci manera cu pa nan tabata un sorpresa y a bisa
nan cu nan a wordo avisa cu esaki lo a bin.
Gerencia a keda di contesta FTA otro siman diaranson. Ban wak den e caso aki. Despues di 10’or di
mainta, tur hende a bay traha bek. Tin cu warda pa e proposicion di diaranson, wak kico lo pasa. A bisa
gerencia si cu si nan kier mira un cambio, consecuentemente nan tin cu mehora na posicion. Si nan
oferta keda mesun cos, e ora ey FTA a bisa cu di e di dos biaha cu e trahadonan protesta, e ora si ningun
hende no ta keda paden, Geerman a splica.
A puntra Geerman si FTA y su miembronan a tene cuenta cu diferente puntonnan cu ta pasando pa e
hotel aki cu ta uno local cu ta parti doño y e bishitantenan cu no ta kedando den hotel pa cual aki
Geerman ta splica kico ta pasando pa e parti aki.
E hotel of e doño di edificio ta parti di un fondo local, pero e hotel ta wordo maneha den e caso aki pa
Hilton. Sa cu e compania ta hincando hopi placa den e negoshi pa renobe, pero ta kere cu una bes cu bo