Page 14 - MIN ARENDS

4 AWEMainta Diabierna, 27 October 2017

Bunita atencion brinda

na Juan David Yrausquin

kende a despedi como

Minister Plenipotenciario

DEN HAAG – Na Sociëteit de Witte a tuma lugar
diaranzon 25 di october ultimo un recepcion ameno
pa despedi di Juan David Yrausquin como Minister
Plenipotenciario di Aruba na Hulanda.
Hopi relacion di Aruba for di mundo di politica Hu-
landes, Ministerio, partnernan di Aruba, organisacion
y studiantenen a haci uso di e oportunidad pa yama
danki na sr. Yrausquin p’e periodo cu el a funciona
como representante di Aruba na Hulanda.
Entre e grupo di invitadonan cu a bin pa duna Juan
David, hunto cu su esposa Amy Yrausquin-Roos,
un man tabata Presidente di Eerste Kamer, Ankie
Broekers-Knol, Vice-Presidente di Raad van State,
Piet Hein Donner, Minister Plenipotenciario di Cu-
raçao Anthony Begina, Minister Plenipotenciario di
Sint Maarten Henrietta Doran-York, Shawn Patrick
Crowley como representante diplomatico di Merca,
Minister demisionario di Husticia, mr. drs. Arthur
Dowers kende ta actualmente na Hulanda y lider di
fraccion di CDA den Tweede Kamer Sybrand Buma.
Tabatin representante di diferente Ministerio y tambe
algun partner importante di Aruba, manera KLM y
TNO. Mirando cu Minister Juan David Yrausquin
tabata hopi envolvi cu studiantenan, algun studian-
tenan cu ta miembro di e Plaatselijke Opvangcom-
missie (POC) tambe a presenta n’e ocasion aki pa
gradici Minister Yrausquin pa su atencion pa cu
studiantenan Arubiano. E recepcion a wordo deleita
cu musica di Xavier Geerman y Jaderick Croes, dos
hoben musico Arubiano kendenan a presenta nan
propio composicion y musica tipico di Aruba.

(Foto ta cortesia di fotografo Nico van der Ven.)