Page 32 - MIN.ECUE
P. 32
36 AWEMainta Diasabra, 29 April 2017
FSTT y PEVESA a haci un bunita
gesto pa otronan cu nan
celebracion di Dia di Obrero
EN conexion cu e celebracion di Dia di Obrero, STT su miembronan di FSTT
y tambe miembronan di PEVESA cu ta e club di actividad a sali dia 26 di april
2017 cu e lema: “Nos ta Un” pa 5 scol y na 3 cas di anciano na unda nan a
duna regalo of bolo di parti di e sindicato di trahadornan den telecomunicacion
di Aruba.
Esaki a sosode como algo inespera y di sorpresa pa e scolnan y e casnan di anciano.
E scolnan Colegion Hilario Angela, Kukwisa School, Maria School, Maria Gor-
retti School y Colegio Conrado Coronel,a ricibi materialnan cu nan por uza pa
hunga durante deporte of ora liber na e scol den forma di 3 bala.
Un bala pa hunga basket, un bala pa hunga volley y un bala pa hunga trefball.
E balanan aki ta simbolicamente duna un estimulo pa e studiantenan hunga y
siña traha den ekipo of grupo. “Como empleadonan di SETAR ta convenci cu
unicamente dor di traha hunto por hiba nos isla dilanti”, asina Clem Van Heyn-
ingen di STT a expresa.
E casnan di anciano cu a bishita tabata esun di Palisiaweg na San Nicolas, na
Savaneta y na Playa. Tur 3 a haya un bolo grandísimo pa e grandinan.
Presidente di STT sr. Albert Franken ta masha satisfecho con e miembronan,
empleadonan di SETAR a bin cu tremendo idea pa celebra Dia di Obrero 2017
den un manera asina positivo y di duna bek na e comunidad. Y tambe e manera
di ta forma un unidad asina energetico.
“Nos kier a gradici e comunidad y nos miembronan pa e sosten di semper”, asina
Franken a expresa.
Rib’e potretnan por mira algun momento na unda miembronan di STT ta haci
entrega di e regalonan y bolo.
