Page 35 - AVP

E ta un tema cu Candelaria ta bisa di a studia hopi durante campaña, a traha riba plan
di prevencion di criminalidad. Su pensamento ta cu combati criminalidad so, sin trece
cambionan pa mehoracion door di inverti den prevencion, ta mescos cu carga awa hiba
lama. Mescos cu den e area di husticia, e mesun principio di prevencion aki ta aplicabel

den area social tambe. Mester traha dilanti di e problema pa evita cu e problema ta bira
un realidad.

E ta haya cu criminalidad ta bay man den man cu prevencion di problema den e area

social. Gobierno mester busca forma pa fortalece e forsa di compra di esnan cu ta
wordo afecta mas tanto den comunidad. Esey ta un di e miho formanan di prevencion
pa comunidad actualmente. Na mes momento mester traha riba Prevencion di problema
social riba mas front pareu.

Casi semper por nota cu ora neglisha e situacion den e area di forsa di compra y den e
area social, e ta bira un problema pa husticia. Esey semper ta unda e problemanan ta
culmina. Husticia mester deal cu e consecuencianan di e otro areanan cu no a funciona

manera debe ser.

E miho prevencion cu ta existi den e area social ta famianan stabiel y un bon control
social. Control social ta ora cada ciudadano tin bista riba esnan rond di dje y ta yuda

cuida otro. Ora un hende nota cu algo ta fuera di normal serca esnan rond di dje e ta
hasi algo pa yuda catch, cuida of guia esun cu e ta mira na peliger. Aki gobierno por
hunga un rol importante pa informa y educa pueblo con pa realisa esaki.

https://www.diario.aw/2019/10/aumento-di-costo-di-bida-ta-trece-aumento-den-problemanan-social/