Page 16 - MIN VOS 31 MAART 2016

Salud Dia 2 di April ta dia Internacional di Autismo:
Autismo por afecta di un pa cada shen mucha

on: March 30, 2016In: Life StyleNo Comments
Print Email

Trastorno di Espectro Autista (TEA) ta inclui un gama di padecimento compleho di e neurodesaroyo,
caracterisa pa impedimentoan social, dificultadnan di comunicacio y patronchinan di conducta
restringi y repetitivo.
Dentro di e Trastorno di e Espectro Autista, ta e yama Autismo of TEA clasico, cu ta e forma di mas
grave di e patologia aki, pero tambe por haya otro afeccionnan cu ta inclui un forma mas leve,
conoci como e sindrome di Asperger, un afeccion raro yama sindrome di Rett, e trastorno di
desintegracion infantil y e trastorno generalisa di e desaroyo no specifica (PDD-NOS).
Aunke TEA ta varia significantemente den caracter y gravedad, ta produci den tur e gruponan etnico
y socioeconomico y ta afecta na gruponan di tur edad. Expertonan ta calcula cu un di cada 110
mucha lo sufri di TEA.
E causanan di autismo ainda ta desconoci, pero ta probabel cu tanto genetica como e ambiente cu
nan ta hunga aden, ta un papel fundamental. Investigadonan a identifica un number di gennan
asocia cu e trastorno y den estudionan di e personanan cu TEA, a haya iregularidadnan den varios
region di e cerebro.
Medicina regenerativo a bin ta avansa den e buskeda di tratamentonan cu ta logra detene e
deterioro progresivo di e enfermedad aki cu ta y mehora e condicionnan general di e pashent. Ta
den e sentido cu dr. Orlando Sanches Golding, medico investigado clinico y presidente di e
Asociacion Venezolano di Medicina Regenerativo, a informa cu mediante e tratamento di Terapia
Celular Medular ta logra mehora e elementonan cognitivo di e pashent manera e memoria,
concentracion, atencion y su relacion afectivo cu e entorno. Igualmente a logra baha e nivelnan di
hiperkinesia y e evidencia di conductanan repititivo of inusual.
E protocol medico cu a bin ta wordo uza pa e tratamento di e muchanan aki, mediante e
combinacion di un conhunto di procedimentonan medico, cu ta abarca un regimen nutricional a bin
ta uza pa intolerancia na e gluten y implante di e celulanan madre adulto y autologo.