Page 16 - MIN ECEM

Gobierno ta para tras di Serlimar

June 20, 2017
188

ORANJESTAD(AAN): Minister di Medio Ambiente, Mike de Meza, a splica cu nan ta bezig ta wak
varios sitio. Tambe nan ta premira sitionan cerca di Barcadera, mirando cu tin un waf eynan.
Ora cu tin cu transporta material cu bo por recicla, cu bo por exporta, cu bo ta cerca di e dump.
Pero si, mester ta mas estrecho y un operacion mas responsabel tambe.

Trahadonan lo bay traha?

A splica e trahadonan cu no tin ningun conflicto laboral. A splica e minister cu tin hopi storia ta
circula eyfo cu Serlimar no lo existi mas, of Serlimar ta bay cambia. E minister a splica cu storia lo
bay tende semper. Gobierno a firma un protocol cu e sindicato y trahadonan mustrando nan e

posicion di Gobierno. Nan a ratifica esaki den Ministerraad y Gobierno no lo entrene e storianan cu
ta wordo traha eyfo. Si bay core tras di storia, no lo bay tin tempo pa Goberna. Nan lo no bay duna
e atencion eynan tampoco. Ta storianan cu no tin derecho di existencia.

Serlimar tin su derecho di existencia y ta haciendo un tremendo trabao den recoleccion di sushi.

Pero tambe na Parkietenbos, e trahadonan ta traha serio, duro, cual ta di admira e trabao cu nan ta
haciendo. Pero pa bay core tras di otro storia, e minister no ta bay perde su tempo cu esey y no lo
ta husto pa e trahadonan tambe perde nan tempo. Serlimar ta di Gobierno di Aruba y ta opera e

dump. Serlimar ta recoge sushi pa Gobierno. Si tin otro compania cu ta competi cu Serlimar, so be
it. Esey ta nan derecho. Ta un mercado liber y habri. Pero Gobierno su atencion ta pa Serlimar. Y ta
para tambe tras di e trahadonan di Serlimar, e compania riba su mes.