Page 20 - MIN TTC 5 APRIL 2016

MEP a bay Ministerio Publico Otmar Oduber mester wordo

investiga

on: April 04, 2016In: PoliticaNo Comments
Print Email

Parlamentarionan di MEP a acudi na Ministerio Publico relaciona cu e papel cuestionabel cu minister
Otmar Oduber a hunga den e asunto di Logo di Aruba y demas destahonan na companianan liga na su
persona. No solamente e informacionnan cu a wordo divulga recientemente durante e conferencia di
prensa di minister Otmar Oduber, sino mas bien e defensa cu e minister a duna, tabata pa nos motibo
pa bay Ministerio Publico.
E defensa di e minister a hinca e minister den mas problema ainda pasobra e ta contradeci su mes cada
biaha mas. Prome ta menciona cu un compania a gana e destaho di e logo, despues ta bisa cu ta un otro.
Pa colmo, ningun di dos tabata existi na momento di e destaho, ta con nan por a gana e destaho e ora?
Tambe tin e asunto di ken ta doño di e companianan: di e prome minister Otmar Oduber a bisa cu e
tabata doño, hunto cu e señora di su miho amigo. E otro compania ta di su miho amigo, hunto cu señora
di e miho amigo. Esaki ta indicacion directo di conflicto di interes!
En bista di e hecho cu Ministerio Publico tin mas forma na su disposicion pa investiga, nos a urgi
Ministerio Publico pa investiga e caso aki. Pueblo di Aruba ta exigi un investigacion pa asina yega na
fondo di esaki.
Ministerio Publico a ricibi parlamentarionan Xiomara Ruiz-Maduro y Dangui Oduber y lo traha riba e
caso.
Casonan asina mester wordo denuncia pasobra mester bay un señal hopi cla na tur politico y
specialmente gobernantenan cu casonan asina no ta aceptabel. Cu e paso aki parlamentarionan di MEP
a cumpli cu tantisimo peticion di cuidadanonan di nos pais pa trece e caso aki na atencion di Ministerio
Publico.