Page 4 - HOH
P. 4
Diabierna, 11 October 2019 AWEMainta 29
Victima di e accidente na Paradera
Manda cu urgencia, cu air ambulance pa Colombia
DIARAZON den oranan di atardi pa anochi, na Dr.
Horacio Oduber Hospital a cuminsa cu preparacion
pa traslada e hoben, Brian Croes, kende den oranan
di diarazon madruga tabata envolvi den e acciden-
te di trafico, cu a sosode na altura di Great Rich, na
Paradera.
E hoben aki di 24 aña a keda seriamente herida, el a wordo
manda den coma dor di e mediconan y mesora a cuminsa
cu e tramitenan pa mande Colombia, p’asina e por ricibi
tratamento medico mas avansa y cu ta necesario p’e por re-
cupera.
Algo pasa di 9 or y 15 di anochi, e hoben, Brian Croes a wor-
do hiba cu ambulance bou sirena rumbo pa Aeropuerto, na
momento cu e ambulance tabata yegando n’e parti pazuid
cu ta General Aviation, por a mira e pilotonan preparando
e avion. Na yegada e hoben victima hopi liher a wordo pasa
over den e air ambulance.
Na General Aviation por a mira tambe varios miembro di
famia di e hoben wardando e air ambulance sali rumbo Cali,
Colombia. E Mama a compaña su yiu den air ambulance, e
lo wordo trata na un hospital na Cali yama Valle del Lilli.
