Page 5 - AM211012

Diamars, 12 October 2021 AWEMainta.com 5

Caribbean Arthritis Foundation ta

celebra Dia Internacional di Artritis

Awe dia 12 di october ta Dia Internacional di
Artritis cu na Aruba tambe ta wordo celebra
den un forma humilde, unda lo para keto

un rato y corda riba tur persona cu den un
forma of otro ta sufri di artritis. Caribbean
Arthritis Foundation ta un fundacion local
cu recientemente a participa den e Biba
Bida Expo di Cruz Cora Aruba cu un charla,
cu a ser sosteni entre otro dor di dr. Rashidi
Rellum, e prome Reumatologo di Aruba, cu

ta brinda servicio medico riba e tereno aki
desde januari 2019.

E meta di a participa den e Biba Bida Expo
tabata pa sigui informa nos grandinan riba e
existencia di e fundacion aki, pero tambe cu
den futuro sercano lo funda un asociacion
pa pashentnan (patiënten vereniging) cu
den un of otro forma ta sufri di artritis.

Den e forma aki Caribbean Arthritis
Foundation ta cumpli cu un di su metanan
principal, pa tene tur pashent bon informa.
Es mas, pa medio di e asociacion aki lo
ehecuta charlanan informativo, organisa
varios actividad fysico, pero tambe
reunionnan social unda cu pashentnan por

comparti nan experencia cu esnan cu lo
desea pa ta mihor informa.

Caribbean Arthritis Foundation ta un
fundacion cu tin un laso di cooperacion cu
Reuma Zorg Nederland (RZN) y tambe ta
miembro di EULAR (European Alliance of
Assoacations for Rheumatology).

Pa mas informacion, por fabor bishita e
siguiente website:
www.caribbeanarthritisfoundation.org

L O C A T E D A T B U C U T I
& T A R A B E A C H R E S O R T

e l e m e n t s a r u b a . c o m | + 2 9 7 5 9 2 5 8 6 8
A D U L T S O N L Y | C A S H L E S S | N O S M O K I N G | N O G R O U P S