Page 12 - FDLP
P. 12
Un delegacion di Aruba participando den caredanan di drag na Orlando, Florida, a keda
hopi contento cu e resultadonan den fin di siman. E caredanan a tuma luga na Orlando
Speedway y eynan e auto di drag di Leo’s Racing cu tabatin Raeshel Maduro tras di stuur
y un ekipo dinamico consistiendo di entre otro su ruman Darcy Franken, pa a logra saca
bandera y pais Aruba su cara den e World Finals. “E soño di Darcy Franken e aña’ki a
bira un realidad.” Henry Leo ta consehero di e team cu ta haya ayudo tambe di Don
Chato, y di Flaco Racing.
Henny y Chato tabatin un proyecto basta aña atras y den combersacion cu Darcy di Flaco
Racing kende tin bastante pieza, motor transmission y lo demas, a dicidi di join y haci e
proyecto realidad.
Cu hopi trabou a logra y e siguiente soño tawata pa core na USA, basa riba un invitacion
di un gran amigo cu ta envolvi den motorsport na Orlando y rond mundo, Sr. Tony
Negron di TRS Motorsports, a logra cu e auto a bin Orlando y competi den un di e
caredanan di Import mas grandi na USA. Awor logrando hopi y ya e next invitacion t’ey
pa prome siman di December, pa cual e auto no ta bini Aruba awo.
