Page 9 - MIN ARENDS

10 AWEMainta Diaranson, 17 Mei 2017
Den un momento dramático den Corte
Nitzael Padilla a admití cu el a tira Polis Ferry Bakx
KRALENDIJK -- Durante un momento dramático den Corte
dialuna atardi un di e 6 acusadonan Venezolano sitá den e caso
Drum, e acusado di mas hóben, Nitzael Padilla Gutierez, a admití
cu t’e a tira e agente policial Ferry Bakx mata dia 17 di augùstùs
aña pasá den curá di un cas na Sabadeco.
Bou di yorando e acusado a pidi esposa y otro famianan di Ferry
Bakx pordon pa loke el a haci.
Henter mainta e Huez femenino M.B. van den Enden a tuma
pa repasá con e caso a cuminsá. Gradualmente por a mira con e
acusado Boneriano Rachyt Saragoza ta bin riba pantaya como or-
ganisador di un atraco grandi cu mester a tuma lugar na cas di un
famia prominente na Bonaire.

DROGA
Na promé instante e idea tabata pa importá droga for di Venezuela
na Bonaire. Rachyt tabatin contacto cu un tal Capi, un persona na
Venezuela. Nan dos a cuminsá planea e transporte aki, pero den
un fase inicial caba Capi a bisa cu e no ta interesá mas.
Capi tabatin contacto cu diferente persona conocí den circuito crim-
inal di Venezuela. Rachyt a bisa den Corte dialuna cu na momento
cu a bira obvio cu e transporte di droga cu Capi lo no a sigui, e kier Mi a hacié, pasobra realmente mi a kere cu e lo a bay tira riba
a logra tòg haña e personanan aki na Bonaire, relacioná cu un idea
cu a nace den su cabes pa tira algun atraco y ladronisia riba e isla.
Capi a pone Rachyt Saragoza den contacto cu Chanon Rivera.
E grupo di 6 Venezolano aki, e rumannan Fransisco y William
Padilla Marin, nan primo Nitzael Padilla Gutierez, hunto cu Cha-
non Rivera, Exposito Perez y Fransisco Carrasquel Alfonso, a yega
Bonaire na costa zùid di e isla. Abordo di e barco cu a trese nan
tabatin 5 arma di candela y tambe dos kilo di cocaina.
Rachyt a ricibí e 6 personanan aki na Bonaieu. El a trata na bende
e cocaina riba mercado local y tambe e armanan, pero no a logra.
CITGO Aruba Refinery
has the following
Employment Opportunity:
– Operator Technician
For more information and to apply, please visit our website at:
www.CITGO.com/Careers
Click on Current Opportunities and select Aruba as your location.
© 2017 CITGO Aruba
E plan tabata pa atracá y secuestrá miembronan di famia de Jong,
pero despues a cambia plan y a dicidí di bay tira un atraco na cas di
famia van Dijk den e bario Sabadeco. Esaki a sosodé den e anochi
di 17 di augùstùs 2016.
Den forma detayá Huez a repasá e loke a sosodé e anochi ey, basá
riba declaracion cu e acusadonan mes a haci na Polis, tambe declara-
cion di testigonan, principalmente miembronan di famia van Dijk.
A describí con e acusadonan a maltratá e hendenan den e cas, entre
otro dor di ranca renchi for di orea di e señora van Dijk. Esun cu
a haci esaki tabata Nitzael Padilla Gutierez.
Huez na cierto momento a puntra tur e acusadonan cu tabata n’e
cas ta ken a lòs e tironan cu a kita bida di Ferry Bakx. Nan tur a
indicá cu Nitzael a bisa nan cu t’e a tira Bakx.
Na promé instante Nitzael a keda keto. Despues cu tur otro a indik’é
como esun cu a tira Bakx, el a admití bou di yoramento.
Nitzael a bisa, despues cu Huez a mustr’é riba su derecho pa keda
keto: “Mi sa cu famia di e Polis ta den e sala aki. Mi kier ta cla y
bisa cu no tabata mi intencion pa tira e Polis.
Nunca mi a pasa den algo asina. Di profundidad di mi curazon mi
ta pidi pordon p’e trauma cu mi a pone nan pasa aden.
William Padilla Marin, mi primo. Mi no sa con e situacion ta na
Bonaire, pero na Venezuela Polis ta tira mesora, sin puntra nada.
Nada di arestá, pero nan ta tira.”
Hues van den Enden a puntra e acusado: “No a pasa ningun mo-
mentu den bo mente pa a tira den laria promé pa spant’é?”
El a contestá: “No. Mi tabata den ansha y cu miedu. Nèrvio a pone
mi lòs e tironan. E cosnan a bay hopi liher e anochi ey.”
Un bala a drenta na lomba di e Polis y sali dilanti. E otro a alcans’é
na su cabes. Algun rato despues el a muri na hòspital.