Page 31 - AM240816
P. 31
Diabierna, 16 Augustus 2024 AWEMainta COMUNIDAD 31
Ban Caya un proyecto comunitario pasando den tur bario
CEDE ARUBA ta contento di mira
e reaccion den e Barionan unda ta
organisa BAN CAYA den e ultimo
lunanan. E interes pa ricibi infor-
macion, conoce un Centro di Bario
den nan region y sa kico tur por
wordo haci den nan bario ta algo
cu ta pone CEDE ARUBA sigui traha
mas pa yuda conecta e comunidad
cu diferente NGOs y instancianan
deportivo.
Cada bario, unda ya a organisa BAN
CAYA, tabata tin un diferente tema di
celebracion, esaki ta pone tambe cu
e team organisatorio di CEDE ARUBA
ta haci cambionan segun e interes
di cada bario. Expectativa den cada
bario tabata diferente y e comun-
idad den bario a sa di responde na
cada evento, algun mas cu otro.
Locual si por bisa ta cu el a haci un
impacto basa riba union den bario
y recreacion den aire liber. Tambe a
duna oportunidadnan pa haci un of
otro deporte y e interes pa conoce
mas di nan mesun bario.
Un total di 4 edicion di BAN CAYA a
wordo organisa, Noord, Piedra Plat,
San Nicolas y Dakota. Team BAN
CAYA awor ta preparando pa na fin
di september organisa un Aquatic
edition rond di cayanan di Centro di
Bario Savaneta. Team BAN CAYA tin
e mesun entusiasmo y lo ta prepa-
rando pa haci mas actividad durante
cada evento p’asina publico bishi-
tante sinti e diferencia den cada BAN
CAYA. Si tin fundacion of instanci-
anan deportivo cu kier participa por
semper tuma contacto cu Centro di
Bario Savaneta of cu CEDE ARUBA
na 5827666.
Un danki sigur na tur e stakehold-
ernan cu ta yuda carga e proyecto
aki cu ta IBISA, Centronan di Bario,
Boluntarionan y tur instancia cu
ta core hunto cu BAN CAYA den e
Barionan di Aruba.
