Page 44 - AVP

E bofon di mas grandi a wordo haci contra Aruba ora hendenan ciega pa manipulacion
politico tabata felicita Benny Sevinger pa e logro di e ringweg cu simplemente mester a
comunica aeropuerto cu e area di hotelnan pafo di e cayanan di Oranjestad.

No ta DIARIO a inventa e gran berdad cu e proyectonan di Hospital, Brug di Balashi,
Watty Vos Boulevard entre otro, tabata un piñata politico pa Mike Eman y Benny
Sevinger. Nan funcionnan ta wordo directamente treci dilanti den un rapport riba cual
awor Husticia mester dicidi.

No ta DIARIO a traha e rapport pero e instancia mas halto riba tereno financiero na
Aruba, cu ta Algemene Rekenkamer Aruba, cu a base di e falta di informacion cu tabata
tin a start un investigacion special riba e fiesta di proyectonan “Bo Aruba”.

Ta increibel con awe kier pa Aruba celebra proyectonan di fantasia cu Aruba no tin
placa pa paga.

Algemene Rekenkamer Aruba ta e instancia cu ta controla con a base di presupuesto
Gobierno di Aruba ta gasta placa. E ta e instancia cu ta controla kico ta pasa cu placa di
belasting di pueblo di Aruba.

Ta Algemene Rekenkamer ta controla tur entrada y gasto di gobierno, for di gasto pa
un trahado, pa un airco cu mester reemplasa y proyectonan completamente for di
control.

Ta Algemene Rekenkamer, cu tabata tin problema pa haya documentonan importante,
administracion efectivo y un bon bista riba e forma cu a gasta Un Biyon di Aruba den un
cantidad di proyecto, a traha un rapport cu directamente ta cuestiona loke Mike Eman y
Benny Sevinger a haci cu Aruba.

Ta Algemene Rekenkamer cu ta encarga pa cera e cuentanan anual, e balansa di
entrada y gasto di Gobierno, no por a haya contesta riba proyectonan cu bou
responsabilidad directo di Benny a wordo realisa. Proyectonan, cu segun e rapport, Mike

tabata adapta ora e bolbe di su encuentronan den bario.

Awe pa pone un fin na manipulacion, DIARIO ta cumpli cu su promesa y ta entrega
Aruba e motibo cu Aruba tin hamber, manera AVP mes ta bisa.