Page 53 - AVP
P. 53
E rapport oficial ta mustra cu no tin prueba cu mester a laga tur otro gasto para pa haci
e gastonan enorme.
Pio ainda, gobierno Mike Eman no a rondia alternativanan, pues formanan mas barata
pa realisa e proyecto pero a bay tras di loke a keda presenta na nan den e sistema di
PPS pa paga despues cu a sali Aruba mucho mas caro.
E instancia oficial y di mas halto riba tereno financiero di Aruba ta acusa gobierno Eman
di a gasta placa sin cu control sikiera tabata posibel.
E miembronan di Parlamento di AVP ciegamente a permiti gobierno Eman haci y
deshaci cu placa, loke tambe ta wordo condena dor di Algemene Rekenkamer Aruba.
Na 2017, Algemene Rekenkamer Aruba a bati na porta di Benny Sevinger cu a dera su
cabes den santo y no a sikiera contesta e instancia financiero oficial di Aruba. Tabata
gobierno nobo di Wever-Croes cu a atende cu e situacion y awe mester termina
proyectonan cu ta exigi mas gasto cu nunca por a pensa.
DIARIO lo pone tur berdad riba mesa!
https://www.diario.aw/2019/11/proyecto-politico-benny-y-mike-sin-plan-infrastructural/
