Page 3 - MIN ON
P. 3
6 Djasabra 21 Novèmber 2015
LUTO PA MANERA KU TA
TRATA MUCHA I HOBEN
WILLEMSTAD.- Hóbennan bou di guia di Bos di Hubentut
a partisipá den un marcha di protesta djabièrnè 20 di
novèmber, riba Dia di Derechi di Mucha. A bini dilanti
ku pa e organisashon dia 20 di novèmber no ta dia pa
selebrá e derechi di mucha. Asta nan a ekspresá ku nan
ta di luto e.o pa e manera kon ta trata ku mucha i hóben
den e pais aki. Komo ehèmpel e organisashon a trese e
kaso di Brakkeput, refiriendo opviamente na e kaso di
Kinderoorden Brakkeput. Nan a kana di Otrobanda bai
Punda.
ODETTE VAN BRUMMEN–GIRIGORI PROMOVE
WILLEMSTAD.- Dia 19 novèmber último drs. Odette van
Brummen-Girigori di fakultat Sosial na Universidat di
Kòrsou Dr. Moises da Costa Gomez (UoC), a defendé
su tésis titulá “Father Absence” na Rijksuniversiteit
Groningen (RUG), kaminda el a gradua komo doctor.
Pabien na Odette.
