Page 17 - KPA JAN 4,2016

Dialuna 4 Januari 2016 Pagina 5

Cuerpo Policial Aruba y Ministerio Publico ta
conduciendo e investigacion:

CADAVER KIMA DEN AUTO TA DI UN
HENDE HOMBER

Lo manda e restonan mortal Hulanda pa investigacion
forensico

Diahuebs despues di
7:00am ora cu takelwagen
a bay busca un auto
kima den Franse Pas a
descubri un curpa kima
den bahul di e auto marca
Chevrolet modelo Celta
number A-14568. Mesora
a start un investigacion,
encabeza pa Ministerio
Publico y haciendo uso
di e ekipo investigativo di
Cuerpo Policial Aruba.
Den oranan di merdia,
despues cu e ekipo di
investigadonan a reuni,
a dicidi cu ta manda e
curpa Hulanda pa un
investigacion forensico,
mirando e estado avanza
di kemadura den cual a
encontra e cadaver. Pa
awor e unico cos cu por a
saca afor na Aruba ta cu
e cadaver ta di un hende
homber.

Na mes momento Cuerpo
Policial Aruba y Ministerio
Publico a lanta un ekipo
“TGO”, cu ta un grupo di
expertonan riba diferente
experticio, pa conduci e
investigacion. Ta haci
un apelacion na cualkier
persona cu por tin mas
informacion, pero cu kier
keda anonimo, pa yama e
tipline 11141. Si acaso ta
desea di duna informacion
na Polis y no ta interesa
den anonomidad, por
yama libremente na e
celular 597 - 5184.

Cuerpo Policial Aruba
ta manda palabranan di
condolencia na famia di e
fayecido, aunke ainda no
por logra identifik’e.