Page 19 - HOH

4 AWEMainta
Director HOH Jacco Vroegop
“Mi kier un bon maneho y trankilidad den hospital”
DESPUES cu a nombra drs. Jacco Vroegop como Director
di Dr. Horacio E. Oduber Hospital dia prome di october, di-
aranson mainta tabata su prome conferencia di prensa pa
papia di e meta cu e tin pa mehora operacion di e instituto
medico aki. Na momento di a nombr’e, el a haya e funcion
di Presidente di Raad van Bestuur di Dr. Horacio E. Odu-
ber Hospital. Den e Raad van Bestuur tin tambe Grego-
ry Croeze como miembro, den funcion di CFO. A recluta
Vroegop na Hulanda, kende a reemplasa Freek Korver. E
ultimo aki no a keda mucho tampoco den e funcion.
Jacco Vroegop a cuminsa asumi e posicion di Director den
un momento dificil, no solamente di e pandemia, pero cu
hospital no a recupera completamente ainda despues cu a
hack nan sistema y un candela cu a causa basta daño.
“Boso por ta orguyoso di e cuido aki na Aruba y e trabou di
su hendenan,” t’e prome cos cu el a trece dilanti.
Un di e prome puntonan cu el a papia riba dje ta loke e
ta haciendo y esaki, el a bisa, no por wordo yama “reor-
ganisacion” manera ta wordo bisa rond. Si el a compara e
hospital cu un barco cu cada biaha drenta tin buraconan cu
mester drecha pa evita cu awa ta sigui drenta, y esaki ta
sosode cu ayudo di tur esnan abordo. Esey t’e situacion cu
tin na hospital.
Loke e kier logra cu hospital ta cu e ta financieramente y
organisatoriamente saludabel. Mester haci cambionan pa
logra tapa e buraconan den e “barco”.
Diasabra, 14 November 2020
Contrario na loke a bisa, e ta kere cu falta hende, pesey tin
un cantidad grandi di vacatura awor pa por brinda e servi-
cio cu e pueblo ta exigi di e hospital.
P’esey otro aña ta bay tin mas estudio y kier p’esaki sosode
principalmente internamente. Tin dokternan cu lo stop di
traha, y mester di reemplasante pa nan.
No tin hopi tempo pa trece cambio y esakinan mester tuma
lugar awo pa sanea e situacion.
E Director a enfatisa cu mescos cu tempo di guera, si bo ta
den pleito cu otro no tin avanse. Y esaki ta algo cu sigur e
kier evita na hospital.
E kier papia cu tur stakeholder, inclusive esnan cu no ta
miembro di sindicato. Nan tambe mester haya un bos. E
kier cooperacion di tur hende pa yega n’e maneho y trece
trankilidad den cas.
Reorganisacion ta zona negativo, pasobra ta pensa riba de-
shaci di trahadornan, mientras “ombuiging” ta en busca di
un forma di traha mas eficiente, haciendo uzo di tur esnan
cu ta disponibel. Aruba ta den un tension “y mi kier trece
trankilidad den hospital”.
Cu e instituto mester di hende ta un hecho, pasobra awor-
aki tin 42 profesional di Merca cu a bin yuda y sin nan, no
lo por atende cu e situacion di pandemia. Tambe el a bisa
cu ta bay crea un otro forma di comunica cu den pasado,
cuminsando cu un “newsletter”.
Jacco Vroegop a studia tecnica medicinal na Universidad
di Zurich, despues na Erasmus Universiteit na Hulanda
pa profundisa den “Health Economics Policy and Law” y
tambe a studia ciencia politica na Universidad di Leiden,
na Hulanda. Te cu e aña aki e tabata Director Clinico di
Worldeye Amsterdam.
Worldeye Amsterdam ta estableci na aña 2017 y ta pertenece
na un grupo internacional di hospital di wowo.
E clinica ta encarga cu tur sorto di tratamento di wowo.
Nan meta ta pa yuda pashentnan di wowo mira atrobe, sin
bril of lens, dor di un tratamento di implante y laser.
Jacco Vroegop ta considera su mes un Director Medico y
Clinico cu experiencia, cu a demostra den pasado di por tra-
ha den un hospital of den e industria di private health care.
E ta un experto den negociacion, e ta un lider energetico, ta
experto den maneho di cambio y di cuido.